金鶴拉麵 (九龍城道) (Closed)

九龍城區附近如果想食拉麵，真係只會諗起金鶴拉麵，而佢唔同於一般拉麵店用豚骨湯做湯底，佢係用雞湯。土瓜灣店我都係第一次去，成日以為得門口見到既部分，原來有條小樓梯上一層仲有好多位，比想像中大好多🥢金鶴雞白湯拉麵呢款雞白湯拉麵係佢地既招牌，有極濃同普通兩個選擇，普通已經夠濃，不過食得出都落左味精，所以食完會口渴。雞胸用慢煮方法烹調，所以係嫩滑既。炸牛蒡除左令賣相討好，味道微甜都幾好食，不過略油，食幾啖就會覺得夠🥢北海道極濃蝦湯拉麵濃蝦湯拉麵係期間限定，成鋪滿櫻花蝦，湯或還可以，但蟹肉令人失望，除左得好少，仲係冇蟹味既急凍蟹肉