Video
Read full review
2017-12-27
2598 views
識這一間餅店事源有同事散水餅請食Chateraise的日本啫喱，同事買齊所有水果味有7-8款。我食既蘋果味係果蓉凝固而成，印象深刻，原來另有售新鮮啫喱。行過Times Square終於見到真身了，無論裝修、價格訂都好似A1 bakery，但賣的產品更精緻。行左一圈見到廣告說這個泡芙全球銷量多麼好忍唔住買左一個。凍櫃有三分二都放泡芙產品看來真係好受歡迎。每個泡芙都係獨立包裝，售價$12一個，如果買禮盒裝$72/6價錢不變只係多左一個盒。雙色泡芙一半為忌廉，另一半可以選擇各式口味，包括香草吉士、抹茶、朱古力，記憶中仲有限定芒果。既然原味登上人氣No.1當然要試下。大小同地鐵站連鎖個間差不多，不過呢個係預製既而個間係定時出爐。介紹話用上北海道鮮忌廉及新鮮雞蛋吉士，味道上食不到分別。看模型忌廉和吉士的比例係大約2：1，實物係1：1。泡芙尚算足料，咬一口已經見到內饀了。不過泡芙皮係蛋糕的質感，牛油味很少很少。忌廉屬輕盈，吉士有雲尼拿籽奈何香氣沒有突出。水份重的關係食到中途有點雞手鴨腳，稍用少少力拎住泡芙都會弄污手指。不過呢~ 包裝上無水氣值得一讚。我都係比較鐘意地鐵站泡芙店，如果有買團購劵價錢相
識這一間餅店事源有同事散水餅請食Chateraise的日本啫喱，同事買齊所有水果味有7-8款。我食既蘋果味係果蓉凝固而成，印象深刻，原來另有售新鮮啫喱。
行過Times Square終於見到真身了，無論裝修、價格訂都好似A1 bakery，但賣的產品更精緻。
行左一圈見到廣告說這個泡芙全球銷量多麼好忍唔住買左一個。凍櫃有三分二都放泡芙產品看來真係好受歡迎。
每個泡芙都係獨立包裝，售價$12一個，如果買禮盒裝$72/6價錢不變只係多左一個盒。雙色泡芙一半為忌廉，另一半可以選擇各式口味，包括香草吉士、抹茶、朱古力，記憶中仲有限定芒果。
既然原味登上人氣No.1當然要試下。大小同地鐵站連鎖個間差不多，不過呢個係預製既而個間係定時出爐。介紹話用上北海道鮮忌廉及新鮮雞蛋吉士，味道上食不到分別。看模型忌廉和吉士的比例係大約2：1，實物係1：1。
泡芙尚算足料，咬一口已經見到內饀了。不過泡芙皮係蛋糕的質感，牛油味很少很少。忌廉屬輕盈，吉士有雲尼拿籽奈何香氣沒有突出。水份重的關係食到中途有點雞手鴨腳，稍用少少力拎住泡芙都會弄污手指。不過呢~ 包裝上無水氣值得一讚。
我都係比較鐘意地鐵站泡芙店，如果有買團購劵價錢相差無多。Chateraise還是做麵包或以外觀取勝的西餅比較優勝。
Post
