喜茶 (Closed)

萬眾期待嘅內地超級網紅店終於黎到香港喇，仲記得佢第一日開店，排果條隊長到呢... 我自己係深圳都有飲過一次，當時叫左多肉莓莓少甜少芝士，味道好失望。喜茶黎左香港咁耐，終於過左個熱潮，今次唔使排5個鐘，20分鐘唔使就已經有得飲喇😅 雖然芝芝莓果 同 布蕾波波茶 都叫正常味道，不過我都係飲唔出有幾驚為天人。芝芝莓果幾fresh，個芝士奶蓋係勁好味，不過係咩特別。布蕾波波茶嘅黑糖味幾足，但係就太甜喇 明白到點解依家唔使排咁耐，其實飲品味道真係無咩特別，仲有$4x一杯亦唔抵，同樣價錢，我真係唔會揀飲佢喇。