東京一番 (Closed)

今日同小學同學聚會，決定揀喺母校附近放題聚餐。餐廳佈置幾特別，以竹做主題，座位有少少逼但枱比一般放題闊落。而食物質素好而且精緻，仲有驚喜嘅特色小食，有碗仔翅，B仔雞翼，老火湯同埋中式糖水，好滿足嘅一餐聚餐。刺身種類多而且新鮮，擺盤精緻有心思。只要Like&share facebook專頁，每兩人就免費有一份皇帝蟹腳或者海膽一板。碗仔翅味道唔錯，如果有麻油加會更好。清酒煮蜆嘅蜆肉新鮮，但肉好細粒。蟹子沙律口感清新，粟米就中規中矩。卷物，壽司種類唔少，特別推介刺身船。一口牛有鑊氣，bb羊好嫩滑。炸物熱辣辣。焗蠔及立貝。幾欣賞呢度嘅天婦羅，涷咗都唔會淋，外面炸漿仲保持脆身，比較特別有原條秋葵天婦羅。肉汁薯條，我哋要求多芝士。甜品種類好多，仲有馬卡龍，好靚。各款蛋糕及雪糕。