明將迴轉壽司餐廳 (Closed)

我以挑戰人體極限既心態勇闖明將orz八點左右就去到西九龍總壇，唔洗等位，但場內都ok多人待應姐姐一泥就講44蚊位任食可落order唔限時但d飯食剩就要罰錢@@一泥斟茶就發現個出水位d水仲弱過阿伯小便...真係湲湲流水orz首先食紅豆壽司，堅野舊飯真係暖既仲要同屋企煲既一樣無醋味我男友仲要話：食完成件都唔覺有紅豆味仲要食到有紫菜味但feel唔到有紫菜...勁之後仲有叫螺肉壽司，辣味魷魚壽司，芝麻八爪魚壽司，蟹子沙律壽司，八爪魚壽司，墨魚壽司，玉子壽司，饅魚壽司，中華沙律壽司，中華海蜇壽司，粟米壽司，三文魚壽司，蟹子壽司好難得鰻魚壽司舊飯係凍嫁！三文魚薄到廁紙咁，完全無味，塊三文魚仲可以透光既！玉子壽司舊飯個底無端端黐左蟹子=_=明明果碟野唔關蟹子事囉蟹子沙律壽司d沙律醬多到經過舊飯流落碟到orz迴轉帶不斷有熟蝦壽司同吞拿魚沙律壽司經過個膠罩烏髒到不得了！同埋個吞拿魚沙律d餡瀉哂出泥，係我面前經過五次以上無人理！！男友頓然：d沙律好似山泥傾瀉咁跌出黎邊個會拎黎食姐待應姐姐無話當我透明，都ok啦咁樣埋單兩位96蚊 orz除非想玩野or靠害，不然應該唔會再泥明將試食嫁喇此乃人生之一大體驗啊。