Video
Read full review
2021-06-07
3355 views
寫呢篇食評嘅時候心情都幾忐忑，因為自己都有私心…🙈 驚呢間小店太出名嘅時候，自己可能早幾個月都未必訂到位，但始終都認為要比呢間小店一個實力嘅肯定，所以最後寫左呢篇食評比大家作一個參考😉～當晚我同前輩D先生一齊坐係店鋪出面用餐。雖然呢間小店環境較細，但黎得都心知神川係主打食物質素。作為每個月至少會黎一次嘅熟客黎睇，食物質素相當有保證，師傅們對刺身熟成的技術十分熟練、其海鮮粥的湯底功力十分深厚、更遑論溏心瀨尿蝦的鮮甜啫喱狀蝦膏更是令人回味無窮🤤。要知道出面以相同價錢嘅廚師發辦很難做到/做得好“熟成”呢啲高技術要求嘅菜式，只要溫度或日子稍有差池便會熟成失敗，浪費了整條魚生，所以成本代價極高，呢方面如果大家嘗試過係屋企熟成牛肉就會明白箇中辛酸😆～ (備註：前輩D先生平時係食開中環/尖沙咀個啲高價位廚師發辦，佢係當晚也讚不絕口，大讚小店竟然都捨得用好料😙!)神川的師傅每次上菜都會細心說明菜式的產地及其特色 ，如果他們得閒更會和客人一齊品酒閒聊，十分親切有禮。不過最近晚晚都爆哂場(所以walk-in免問)，比較難先同佢地傾到計😢。當然，有佳餚又點少得美酒嘅襯托？師傅們每次都會根據我的口味而推薦清酒
當晚我同前輩D先生一齊坐係店鋪出面用餐。雖然呢間小店環境較細，但黎得都心知神川係主打食物質素。作為每個月至少會黎一次嘅熟客黎睇，食物質素相當有保證，師傅們對刺身熟成的技術十分熟練、其海鮮粥的湯底功力十分深厚、更遑論溏心瀨尿蝦的鮮甜啫喱狀蝦膏更是令人回味無窮🤤。要知道出面以相同價錢嘅廚師發辦很難做到/做得好“熟成”呢啲高技術要求嘅菜式，只要溫度或日子稍有差池便會熟成失敗，浪費了整條魚生，所以成本代價極高，呢方面如果大家嘗試過係屋企熟成牛肉就會明白箇中辛酸😆～ (備註：前輩D先生平時係食開中環/尖沙咀個啲高價位廚師發辦，佢係當晚也讚不絕口，大讚小店竟然都捨得用好料😙!)
神川的師傅每次上菜都會細心說明菜式的產地及其特色 ，如果他們得閒更會和客人一齊品酒閒聊，十分親切有禮。不過最近晚晚都爆哂場(所以walk-in免問)，比較難先同佢地傾到計😢。當然，有佳餚又點少得美酒嘅襯托？師傅們每次都會根據我的口味而推薦清酒，每次嘅選擇都會令我喜出望外。作為一個新政的粉絲，該店推薦的手取川/吉田藏確實不遑多讓，至少性價比方面已經無得輸，作為食中酒已經好足夠了😎。
*當晚的菜式因用手機拍攝，角度/質素未必太理想，而且上限只有12張相，請見諒。
可能會有人覺得好奇...每個月都黎食一次唔會厭架咩🙊? 除左溏心瀨尿蝦同一夜干之外，仲有鹽燒拖羅魚鮫、燒牛肉、慢煮牛、蕎麥麵、清酒煮蜆、魚子拖羅蓉配多士、燒雞肉、金目鯛、燒大蝦... 種類太多不能盡錄🙉!! 而預算方面係豐儉由人，師傅們係幾日前會親自致電給你確認菜單，再根據你的要求同埋預算去度身訂造相應的菜單，十分體貼。
Other Info. :
近排聽見呢到間中會有自稱"國際唎酒師"的朋友黎到挑師傅機...😂
其實飲酒本身只係興趣，每個人口味各有不同，何必要互相比較一分高下呢😅？
作為國際唎酒師嘅一分子，個人認為唎酒師的資格只證明到我地對清酒有基本認識，但始終實戰經驗多先係最重要... 正所謂“實戰中求真理”。尤其新派清酒已經出到千變萬化，唔通風之森的Alpha type 1純米酒就一定只屬於醇酒類?
同埋呢... 大家千祈唔好忘記飲酒係應該“開心”飲架嗎😇
(The above review is the personal opinion of a user which does not represent OpenRice's point of view.)
Post
