481
70
38
Level1
2
0
人生第一次差評，嚴重貨不對版，毫無服務
2023-01-28 238 views
話說因為LULU豬而想食呢間好耐，琴日咁岩去銅鑼灣，終於去到呢間，2：22分入去，叫咗個烤牛肉蛋包飯，芝士同醬油炸雞，一個甜品同兩杯LULU豬野飲。蛋包飯好快上黎，中規中矩，冇乜特別，但係拎起勺羹，上面既然有不明物體嘅乾咗黐係上邊嘅痕跡，之後上杯野飲，杯LULU豬香蕉奶就神奇啦，竟然就係出邊買到嘅香蕉奶加熱倒出來嘅！！！跟住上個炸雞，炸雞都正正常常，唔好唔壞，但係等住好耐，杯奶昔仲一直唔上，問咗兩次，都話太多單，要等多陣，但係我明明見到入邊D員工係度傾計冇做野，店入門都好少客，唔明邊有咁多單，而出邊D員工係咁行黎行去，仲有D係度玩電話，仲扮到好忙咁，跟住等咗好耐，甜品都上埋，一睇，差D懷疑人生，我地明明係為咗LULU豬黎嘅，個甜品上原本有隻LULU豬餅乾，但係竟然冇咗，俾員工偷食？？？呢個都算，我忍，但係明明個甜品上係有雪糕球嘅，最後竟然係冇雪糕，用咗D cream黎扮雪糕，真係聞所未聞，洗唔洗咁貨不對版！之後甜品都好難食，食到好想飲野，但係杯奶昔仲未上，問咗都係話要等等，最後忍唔住，問佢係咪漏單，佢check一check，先話冇落到，唔明點解可以漏，個員工落單嗰陣係佢自己講，兩杯野飲
Read full review
話說因為LULU豬而想食呢間好耐，琴日咁岩去銅鑼灣，終於去到呢間，2：22分入去，叫咗個烤牛肉蛋包飯，芝士同醬油炸雞，一個甜品同兩杯LULU豬野飲。蛋包飯好快上黎，中規中矩，冇乜特別，但係拎起勺羹，上面既然有不明物體嘅乾咗黐係上邊嘅痕跡，之後上杯野飲，杯LULU豬香蕉奶就神奇啦，竟然就係出邊買到嘅香蕉奶加熱倒出來嘅！！！跟住上個炸雞，炸雞都正正常常，唔好唔壞，但係等住好耐，杯奶昔仲一直唔上，問咗兩次，都話太多單，要等多陣，但係我明明見到入邊D員工係度傾計冇做野，店入門都好少客，唔明邊有咁多單，而出邊D員工係咁行黎行去，仲有D係度玩電話，仲扮到好忙咁，跟住等咗好耐，甜品都上埋，一睇，差D懷疑人生，我地明明係為咗LULU豬黎嘅，個甜品上原本有隻LULU豬餅乾，但係竟然冇咗，俾員工偷食？？？呢個都算，我忍，但係明明個甜品上係有雪糕球嘅，最後竟然係冇雪糕，用咗D cream黎扮雪糕，真係聞所未聞，洗唔洗咁貨不對版！之後甜品都好難食，食到好想飲野，但係杯奶昔仲未上，問咗都係話要等等，最後忍唔住，問佢係咪漏單，佢check一check，先話冇落到，唔明點解可以漏，個員工落單嗰陣係佢自己講，兩杯野飲各一杯，咁都可以漏？OK，漏都算，但係催咗咁多次，都冇人睇下係咪漏單，係咁話太忙，要等等，明明D人個個勁得閒，最後落咗單，的確好快就上黎，但係一睇，上邊原本隻應該企係度嘅LULU豬係平瞓係度嘅，完全企唔到，原黎係上面D cream已經融咗，固定唔到塊餅乾，再一睇，下面D奶昔已經奶水分離，變成兩層，好明顯係整完擺咗好耐，但係佢話我係漏單，岩岩落單嘅，點會整完擺咗好耐？嚴重懷疑係整錯俾其他客，俾人彈返去嘅，除咗呢樣，仲俾錯細飲管，勁難吸，一開始都冇懷疑係俾錯，直到睇到其他枱嘅奶昔都係粗飲管。。。。
呢間野真係一言俾難盡，第一次俾差評，真係第一次遇到咁離譜，嚴重貨不對版，服務衰到貼地嘅餐廳，建議千祈唔好黎，呢間野淨係做新客，呃人一次就算，唔會有回頭客。最後，影咗好多相，等女朋友sd俾我之後再黎評價多次
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value
Date of Visit
2023-01-27
Dining Method
Dine In
Spending Per Head
$250 (Tea)
Recommended Dishes
  • 不建議中伏