Video
Read full review
2015-09-11
1833 views
我的第一篇食評 , 100%全因第一隻豬鞍架。可能開學關係, 今晚唔算太爆滿, 兩公婆樂得清靜。明明睇左一大堆食評, 盛讚意大利飯如何出色, 反而比較少見扒類推介, 大膽一試未試過的豬鞍架。(多得侍應哥哥推介)黑松露意大利飯:熱辣辣、軟綿綿, 無左傳統意大利飯太硬的口感, 濃濃松露香氣遠遠都聞到 (唔誇張, 自己試過就知乜叫做香)。而我好鍾意佢塊炸皮, 口感衝擊得好好。 Great Dish!法式豬鞍上碟~ 絕對比我想像中靚, 好似羊架一樣, 有肥有瘦, 擺碟足夠引起食慾噃~嘩 !!!!!一試難忘! 尤其是無期望而又有驚喜o既喜悅!點形容呢? 係一種完全無諗過o既組合, 肉味細滑而不粗鞋, 邊位一刀切落去出晒肉汁, 滿口油香, 好好食呀! 對於我中午食過"乜哥焗豬扒飯" 泥講, 簡直係天堂與地獄。我地兩個真係唔知豬係可以好食到咁, 對於牛來牛去o既我倆, 豬鞍係新名詞, 也是新嘗試, 而我地100%肯定會為豬鞍encore! (開唔切支紅酒, 都開枝啤酒助慶一下, 值得!)我有影張靚相做証架!重新認識豬, 也重新認識西餐烹調o既技術, 真心滿意 其實仲有個是日特飲。 當日日都係
可能開學關係, 今晚唔算太爆滿, 兩公婆樂得清靜。
明明睇左一大堆食評, 盛讚意大利飯如何出色, 反而比較少見扒類推介, 大膽一試未試過的豬鞍架。(多得侍應哥哥推介)
黑松露意大利飯:
熱辣辣、軟綿綿, 無左傳統意大利飯太硬的口感, 濃濃松露香氣遠遠都聞到 (唔誇張, 自己試過就知乜叫做香)。而我好鍾意佢塊炸皮, 口感衝擊得好好。 Great Dish!
黑松露意大利飯
81 views
1 likes
0 comments
絕對比我想像中靚, 好似羊架一樣, 有肥有瘦, 擺碟足夠引起食慾噃~
法式豬鞍
73 views
0 likes
0 comments
一試難忘! 尤其是無期望而又有驚喜o既喜悅!
點形容呢? 係一種完全無諗過o既組合, 肉味細滑而不粗鞋, 邊位一刀切落去出晒肉汁, 滿口油香, 好好食呀! 對於我中午食過"乜哥焗豬扒飯" 泥講, 簡直係天堂與地獄。
我地兩個真係唔知豬係可以好食到咁, 對於牛來牛去o既我倆, 豬鞍係新名詞, 也是新嘗試, 而我地100%肯定會為豬鞍encore! (開唔切支紅酒, 都開枝啤酒助慶一下, 值得!)
我有影張靚相做証架!
法式豬鞍
59 views
0 likes
0 comments
其實仲有個是日特飲。 當日日都係凍檸乜乜物物, 呢個special drinks係特別精彩。
缺點:
上樓舖, 係要花D時間搵地點。其實唔難..
後記:
後來老板過來禮貌搭訕, 原來啱啱先加入豬鞍同幾款pasta 入餐牌, 我地再次滿足於呢個既新鮮又具水準o既選擇。[老板, good choice!]
Post
