Video
Read full review
2016-03-17
884 views
人生總有好多個第一次既 ﹗第一次坐街邊臉壁思過位，高朋滿座又唔想等，迫上涼山啦，坐咪坐囉 ﹗最初侍應哥哥叫我坐吧枱，但我怕唔夠位放野食喎，佢一口答應續樣出比我，既然您咁講，我既第一次就比您啦，第一次係串燒妹坐街邊 ﹗金錢肚重慶酸辣粉大辣少酸走蔥走芫茜走花生，最低銷費 $26 蚊，重慶粉 $21 加個金錢肚 $8 蚊夠晒數。其實真係唔洗咪多湯呢，大海撈針好痛苦。金錢肚大路滿意啦，微爽無話腍劈劈，都食到少少滷水味道。淨得一款餸搞到碗粉無咩睇頭添，只有少少肉鬆同榨菜乍。經驗所得大辣會落醋太勁，酸度太強搞到唔夠麻唔夠辣，所以以後都要少酸喇。湯底熱燙燙出晒煙到場，淺嚐幾口，係依隻味喇 ﹗即刻連湯帶粉掃入口，大量麻辣湯夠晒刺激，辣味夠出夠霸道，緊隨著麻痺既感覺，好 high 好正呢 ﹗紅薯粉嚥韌滑溜又極富彈性，完全麻辣味道係天生一對 ﹗暴走地一啖接一啖，大啖大啖地灌進肚裡去，完全消滅，暖笠笠，好爽啊 ﹗勁好味 ﹗食緊既時候都未有 feeling，食到中段藥力先慢慢發作，緩緩從胃裡靜悄悄運行全身，再直擊大腦 ﹗辣到頭髮都飊汗，洗完頭一樣，汗珠一串串，出身汗舒服晒 ﹗已經食完碗開心酸辣粉喇，不過我既串
金錢肚重慶酸辣粉大辣少酸走蔥走芫茜走花生，最低銷費 $26 蚊，重慶粉 $21 加個金錢肚 $8 蚊夠晒數。其實真係唔洗咪多湯呢，大海撈針好痛苦。金錢肚大路滿意啦，微爽無話腍劈劈，都食到少少滷水味道。淨得一款餸搞到碗粉無咩睇頭添，只有少少肉鬆同榨菜乍。
經驗所得大辣會落醋太勁，酸度太強搞到唔夠麻唔夠辣，所以以後都要少酸喇。湯底熱燙燙出晒煙到場，淺嚐幾口，係依隻味喇 ﹗即刻連湯帶粉掃入口，大量麻辣湯夠晒刺激，辣味夠出夠霸道，緊隨著麻痺既感覺，好 high 好正呢 ﹗紅薯粉嚥韌滑溜又極富彈性，完全麻辣味道係天生一對 ﹗暴走地一啖接一啖，大啖大啖地灌進肚裡去，完全消滅，暖笠笠，好爽啊 ﹗
勁好味 ﹗食緊既時候都未有 feeling，食到中段藥力先慢慢發作，緩緩從胃裡靜悄悄運行全身，再直擊大腦 ﹗辣到頭髮都飊汗，洗完頭一樣，汗珠一串串，出身汗舒服晒 ﹗已經食完碗開心酸辣粉喇，不過我既串燒都仲未到啊 ﹗侍應哥哥真係等我食完碗粉先開始出串燒比我？麻煩您喇。
燒原條黃魚中辣，首次試串燒妹燒魚，今日好想食魚，特別期待呢 ﹗黃花魚非常之好味 ﹗皮脆肉嫩，先將魚煎封，避免水份流失，所有汁液鎖係裡面再慢慢燒熟。一夾開魚肚，白煙輕輕飄上，索一索舒筋活骼，香噴噴烤鮮魚氣味 ﹗白色魚肉立立令，肉汁豐富、質感幼滑，跟香脆魚皮一齊食更加可口 ﹗我真係食到骨都要損埋先心熄呢 ﹗
燒虎蝦中辣，虎蝦身材夠標準，全部調味都落係蝦殼表面，我習慣唔落手剝殼，只用牙慢慢咬開，所以覺得表層好咸啊 ﹗蝦肉甜美爽彈，滑溜溜又濕潤，無燒過龍乾爭爭，高質無投訴。
燒牛仔骨中辣，都無要求燒幾多成喇，因為係薄切，都 standard 地燒 7 成啦。濃縮既牛肉味道，軟腍帶趙頭，夾雜住香蔥、孜然粉、辣椒粉既惹味，肉汁讓全部調味料融為一體，滲入每個細胞之間，美味要添食 ﹗
燒生蠔中辣，全場焦點 ﹗雖然見 openrice 有食客彈到一文不值，但我覺得除左大扇貝外，第 2 最正就係燒生蠔啊 ﹗新鮮度不容置疑，一索便知龍與鳳，鮮蠔味撲面而來 ﹗大量蒜蓉非常香口，用肥美嫩滑生蠔拓住整粒燙熱辣啪入口，好熱好熱 ﹗眼水都飊埋，但超級好味道 ﹗一趙爆汁，生蠔味道兇湧澎湃，creamy 又水潤，邊有可能唔好食呢 ？今餐樣樣都好好味，好滿足 ﹗美味，多謝百七蚊，都多謝串燒妹 ﹗
金錢肚重慶酸辣粉大辣少酸走蔥走芫茜走花生
30 views
0 likes
0 comments
金錢肚重慶酸辣粉大辣少酸走蔥走芫茜走花生
55 views
0 likes
0 comments
燒原條黃魚中辣、燒虎蝦中辣
30 views
0 likes
0 comments
燒牛仔骨中辣
31 views
0 likes
0 comments
燒生蠔中辣
44 views
0 likes
0 comments
燒生蠔中辣
28 views
0 likes
0 comments
Post
