Video
Read full review
2022-02-16
209 views
喺呢間鋪食到我人生食過最難食嘅糖水，沒有之一。呢個故事教訓我平嘢冇好嘢，幾乎唔打食評都專登上嚟打，只係希望其他人唔會同我一樣中伏。佢咁多個好評係咪買返嚟無從稽考，但係見到啲差評，就知道仲有中肯嘅大有人在，大家都極力抵抗呢種貨不對辦。.事緣早幾日想食糖水，咁岩喺太子行完街諗住買外賣返屋企。見到外賣平台呢間鋪做緊將近半價，專登由太子行到去深水埗買。去到舖頭見到空無一人，只係得我呢張訂單製作中。平台顯示需要10幾分鐘製作，落單後5分鐘我已經到左，坐喺門口等都唔好意思催佢哋，但冇諗過最後將近用咗20分鐘先拎得，唔明點解要搞咁耐。。。但都算啦。。。諗住好食就冇所謂啦，點知一返到屋企打開個外賣就出事啦🥱🥱🥱.炸物- 第一，大多數餐廳都會喺個蓋度剪個窿，透氣唔好比啲倒汗水焗到濕晒，呢間餐廳冇咁做- 第二，又要懶貼心咁俾茄汁，但連個蓋都慳，浸到啲炸物濕哂，咁不如唔好俾，連茄汁都慳返- 第三，好難食，炸粉厚到係食物嘅幾倍，仲要濕哂淋哂。但既然都俾左錢，本住食得唔好嘥嘅宗旨，攞咗入焗爐焗返熱，出到嚟係脆左不過都係掩蓋唔到佢本質係難食嘅事實💣.腐竹薏米白果- 極多蓮子，薏米份量正常，但完全唔見半塊腐竹，唯有
.
事緣早幾日想食糖水，咁岩喺太子行完街諗住買外賣返屋企。見到外賣平台呢間鋪做緊將近半價，專登由太子行到去深水埗買。去到舖頭見到空無一人，只係得我呢張訂單製作中。平台顯示需要10幾分鐘製作，落單後5分鐘我已經到左，坐喺門口等都唔好意思催佢哋，但冇諗過最後將近用咗20分鐘先拎得，唔明點解要搞咁耐。。。但都算啦。。。諗住好食就冇所謂啦，點知一返到屋企打開個外賣就出事啦🥱🥱🥱
.
炸物
- 第一，大多數餐廳都會喺個蓋度剪個窿，透氣唔好比啲倒汗水焗到濕晒，呢間餐廳冇咁做
- 第二，又要懶貼心咁俾茄汁，但連個蓋都慳，浸到啲炸物濕哂，咁不如唔好俾，連茄汁都慳返
- 第三，好難食，炸粉厚到係食物嘅幾倍，仲要濕哂淋哂。但既然都俾左錢，本住食得唔好嘥嘅宗旨，攞咗入焗爐焗返熱，出到嚟係脆左不過都係掩蓋唔到佢本質係難食嘅事實💣
.
腐竹薏米白果
- 極多蓮子，薏米份量正常，但完全唔見半塊腐竹，唯有安慰自己碎濕濕嗰啲應該就係。。。呢碗野個樣同網上其他食評完全唔同，食落都冇任何腐竹味，剩係得陣死甜味。
.
楊枝甘露
- 望落有椰汁芒果汁，但食落完全唔關事，又係死甜夾雜住陣臭膠味。。。成碗野杰撻撻到成西米粥咁，都唔可以用糖水嚟形容。入面嘅芒果生到好似啲青芒果咁又硬又酸，一啲芒果嘅甜味都冇。至於楊枝甘露嘅精髓 - 西柚，好彩嘅話一大羹西米粥入邊會搵到一小塊西柚碎，唔好彩嘅話就係我咁囉🥲
.
講左咁多，只係希望其他人唔會同我一樣，見到有優惠貪平試吓再中伏😑
炸物
8 views
1 likes
0 comments
腐竹薏米白果
5 views
0 likes
0 comments
楊枝甘露 （西米粥）
2 views
0 likes
0 comments
13 views
0 likes
0 comments
Post
