Mille Mele Tokyo (Closed)

呢間來自日本橫濱既世界一蘋果批專門店品牌，創辦人融合意大利🇮🇹同日本🇯🇵既甜點精髓，鑽研出自家配方，簡直就係人生食過最好食嘅蘋果批之一🍎🥧超超超級好味！極度推薦真係要去試💯.當佢岩岩焗起出爐🌟充滿牛油酥香‼️批皮薄得黎多層次😳每件蘋果批既出品都會有三層內餡 — 細膩軟滑既自家制吉士忌廉、#特色豆乳芝士吉士忌廉、厚切香甜「世界一」蘋果果肉☺️.雖然好多層牛油酥皮但一啲都唔油膩，表面仲搽咗焦糖，咬落去滿滿香濃幼滑既兩款吉士餡近乎溢出；熱騰騰既蘋果粒大小適中，經烹煮過後味道徘徊於甜酸之間，質感帶爽口又不失軟屬恰到好處，真係好好味！成個combination根本就係接近完美，絕對絕對會回購🧡💛❤️你見我一個蘋果批就講到咁多野就知值回票價～.Mille Mele既蘋果批即場現烤、每日新鮮出爐🔥包你唔會食到放涼左既批🥧另外佢有隻杯裝既牛油千層一口酥，不過二選一既話一定係口感豐富既招牌蘋果批！🍎🥧💯唯一要注意既係唔知佢幾時出爐⚠️岩岩出爐酥皮脹卜卜既時候最幸福了☺️