Video
Read full review
2023-11-15
494 views
首先，本來今日同朋友book咗7:30 一上到去嘅時候有個50歲以上嘅女人接待 一入到去個態度已經麻麻哋 本身我已經整親隻腳 行走不便 個女人就問有冇book位 咩名 電話呢啲基本喇 但我book位嘅時候個接線生係同我講你直接上嚟就得㗎啦，留咗個名 我上到去個女人問返我轉頭我本簿咁多個姓陳我點知你邊個呀之後態度不悅地俾咗我卡位一坐低都冇乜嘢 準備嗌嘢食嘅時候佢行埋嚟 原版對話：吓乜你唔係三個人咩 哦 咁算數啦，你都坐低咗我又冇理由叫你依家企返起身 （可能因為卡位）當時我已經心諗冇嘢啊 最低消費都$400一位未計+1 由門口行入去，又要俾人串 好啦都算數，諗住平平哋叫個$400套餐，就算但係個Menu明明寫住跟上一個海鮮拼盤 入邊係包括龍蝦，咁多位如果有機會上去食，佢會有張大大張海報寫住$348套餐包龍蝦海鮮拼盤龍蝦唔係任食但係我叫完個套餐佢想過海鮮拼盤，首先第一冇龍蝦 第二全部海鮮唔係有沙就係有異味 中間有同服務員了解海鮮拼盤唔係有龍蝦咩 服務員態度亦都十分之惡劣原版對話：（吓你個套餐冇龍蝦㗎喎，下次叫個貴啲嘅餐喇）我心諗wtf 中晒招 啲嘢食極度一般都已經算數 服務員態度我都唔講了
個女人就問有冇book位 咩名 電話呢啲基本喇 但我book位嘅時候個接線生係同我講你直接上嚟就得㗎啦，留咗個名 我上到去個女人問返我轉頭我本簿咁多個姓陳我點知你邊個呀
之後態度不悅地俾咗我卡位一坐低都冇乜嘢 準備嗌嘢食嘅時候佢行埋嚟 原版對話：吓乜你唔係三個人咩 哦 咁算數啦，你都坐低咗我又冇理由叫你依家企返起身 （可能因為卡位）
當時我已經心諗冇嘢啊 最低消費都$400一位未計+1 由門口行入去，又要俾人串
好啦都算數，諗住平平哋叫個$400套餐，就算但係個Menu明明寫住跟上一個海鮮拼盤 入邊係包括龍蝦，咁多位如果有機會上去食，佢會有張大大張海報寫住$348套餐包龍蝦海鮮拼盤龍蝦唔係任食
但係我叫完個套餐佢想過海鮮拼盤，首先第一冇龍蝦 第二全部海鮮唔係有沙就係有異味 中間有同服務員了解海鮮拼盤唔係有龍蝦咩 服務員態度亦都十分之惡劣原版對話：（吓你個套餐冇龍蝦㗎喎，下次叫個貴啲嘅餐喇）我心諗wtf 中晒招 啲嘢食極度一般都已經算數 服務員態度我都唔講了 $400一位仲要+1 完全冇招呼 冷氣形同虛設 本身個場已經唔係大 放題嚟講咁嘅價錢 點解可以完全冇服務？ 點解啲員工嘅態度好似我爭佢錢咁 點解我食嘅嘢可以呢樣又冇嗰樣又冇 （隔籬枱嗌咗個龍蝦套餐連埋麵包蟹）上網睇都只不過收五百零蚊 0上到去一睇個套餐頂你個肺，698 我真係想知發生咩事 點解一間價錢喺放題嚟講算高嘅餐飲 宣傳去到門市嘅價目係完全唔同 間舖頭，仲要賣套票 當然大家可以唔買 呢度我都簡單講一講 佢個價目係充值5000或者10,000甚至乎50,000 諗住同個朋友放假，開開心心食一餐海鮮蒸氣鍋 我上到去我唔知，我以為去咗傳銷組織 今日我同我朋友兩個人食咗$878落樓 我全晚最深刻所謂嘅M5和牛 根本全部都係牛脂肪嚟 我今晚所食嘅嘢我已經係嬲到冇影相 實在太過過分 我全晚已經比呢間舖頭嘅服務同埋食物質素震驚 食咗一陣我已經完全冇晒胃 全晚最出色就係出前一丁 蒸氣鍋轉打邊爐嘅時候 個服務員仲要問我你係咪食到傻傻地 我一笑而過 已經唔想理 服務員問我要咩湯底 得兩個芫荽皮蛋 同埋蕃茄薯仔 打邊爐呢兩個湯底可能係本人孤陋寡聞 但係我身體未聽過打邊爐有呢兩個湯底 我係一間四百幾蚊收費嘅蒸氣鍋火鍋店 唔緊要 穩陣起見，我都係覺得嗌個蕃茄薯仔一定安全啦 我頂佢個肺個湯底上到嚟鬼咁大個煲 傳說中嘅蕃茄薯仔湯就係清水 加一粒蕃茄切開四嚿 同埋五份一粒薯仔 到底發生咩事 我同朋友兩個人洗咗八百幾蚊 我就係想去俾你哋嘅服務員串 食埋啲唔知咩 目標？原本係龍蝦嚟 呢間嘢，仲要喺抖音係咁賣廣告 我都係日頭碌緊抖音轆轆吓睇咗四五條片 入邊有個男人唔知係唔係老細 話咩教你$500唔使喺香港可以食到龍蝦放題 係呀，我真係$500唔使連埋+1服務費人均$430 我食到一堆死蝦 一堆有沙嘅蜆 有異味嘅鮑魚 同埋變色有沙嘅聖子 去到最後我淨係諗起一首歌 你形容我今日全晚嘅感受 《到底發生了什麼事？》很久不見 以後不要再見 雖然我今晚冇影相 但係咁多位可以自己親身去試一次 我唔知其他分店係唔係咁？ 我今晚去嘅係旺角分店。 真係畢生難忘 $878你俾啲咁嘅嘢我 1000幾百字嘅評論已經不足以去形容我心頭嘅憤怒 實在太過過分 多謝你 緣味小聚 你俾埋啲咁嘅嘢我 當然來都歡迎各位親身上去試吓 不過咁嘅價錢我會過返隔離大喜屋集團 牛站打邊爐好過🔥🔥🔥🔥🔥
Post