緣味小聚 (LADDER Dundas)

Open Now

Now Closed

本身一開始上到去以為係9樓9樓有難聞的氣味之後去了6樓話叫任食餐但說生蠔不夠人手不足只可以一個人下單最後叫了二百幾蚊個餐食咗唔知乜服務態度極差餐廳環境逼以前去同而家去完全唔同

簡單形容一下，垃圾店。打電話預約了Booking,跟我們說時間冇問題。結果到後，一直在門口等了5分鐘，才有侍應向你查問。跟他說我們預約了，時間剛剛好，但都等了20分鐘，重點是都沒有枱。期間都一直跟我們說有枱就快埋單，但其實一直沒有枱。每張枱都有限時時間，證明餐廳是知道根本沒有可能在預約的時間內交出枱。但都接受你的預約。證明在浪費你的時間！今時今日食肆生意大跌，都是有原因的。預約都要等15分鐘以上，甚至更多是不能確定的時間。決定來這間食飯前真的諗清楚一定會浪費你。

見到klxok 有150分鐘大閘蟹海鮮蒸氣鍋，見大閘蟹季節就去試吓，套餐裏面每人有三隻，唔算大隻，不過有蟹膏，半隻龍蝦彈牙好食，鮑魚蝦嗰啲就還可以，提示返係完全冇紙巾供應，乾濕都冇，亦冇手套食蟹，記得自己自備

🦀爆膏大閘蟹 (三隻) - 大閘蟹雖然略細（4-5兩左右）但膏還算多👍🏻🦞生猛厚肉龍蝦 (半隻) - 兩件都啖啖肉， 多膏無腥味，肉質唔霉·爽口👍🏻🦪精選鮮肥生蠔（一隻）- 正正常常 無腥但都冇特別鮮甜⚜️韓國鮮鮑魚 (一隻) - 正正常常 唔韌但都冇特別鮮🦐扎扎跳海生蝦 （兩隻）- 肉質唔霉·鮮甜爽口👍🏻🔱爽甜貝殼類 （三隻）- 時間蒸得啱啱好 唔韌又有淡淡鮮味 🐮澳洲M5和牛 （2-3片）- 似普通肥牛 正正常常 🐷西班牙黑毛豬 （2-3片）- 冇乜肥，似一片瘦肉 ， 所以有啲鞋🐂手打牛肉球 （一粒）- 彈牙有趙口，真係似手打牛肉，唔係絞肉， 味道天然👍🏻🥬🌽🎃有機三寶蔬 (娃娃菜·南瓜·粟米各一) - 三款蔬菜都鮮甜， 蒸得夠淋好食👍🏻 如果份量多啲會開心啲❗️小心流沙包 （一個）- 個餡好夠流，但係偏醬嘅質地，冇乜鹹蛋黃沙沙嘅感覺， 🫚千層薑汁糕 （一件）- 煙煙韌韌，淡淡的薑汁味，正常發揮- 服務員招呼好好， 會幫手蒸同計時，但會按你用餐速度，唔會催食 ，整體用餐感覺良好，海鮮都新鮮，頗滿意的一餐， 推薦俾想乾手淨腳食一餐大閘蟹連海鮮嘅人，性價比算高🌟- 大閘蟹有配蟹醋， 其他

咁啱嗰日心血來潮想食大閘蟹，然後喺優惠訂購平台睇到優惠$278，但係要前一日預訂，咁就打去舖頭問，佢話可以照做返優惠訂購平台 $278個價，咁本身上網都睇咗知道醬料連加一$48，即係$278+48，甘都ok，之後去到話嘢飲放題+$38，咁其實加埋已經$364/1個人，點知埋單嘅時候$8xx，（男朋友沒映單，落左樓先話我知）甘即係364再收加1啦😑，咁其實都成$400一位，同佢舖頭本身d plan差唔多，因為我見舖頭d plan寫住任飲，甘講番野食先，同kkday menu一樣既，首先上龍蝦比我地蒸，龍蝦味道唔錯，海蝦沒梅唔係死蝦都ok，蠔都沒味，蜆有沙，鮑魚都麻麻，之後到大閘蟹上台，好細隻，Menu嗰度寫住爆膏，咁有時我都明唔係隻隻都爆，但見到咁細隻都已經覺得唔會多膏得去邊😢我地2個人total有6隻大閘蟹，但2隻入面都係空心同沒膏，我唔識睇係咪死蟹，但係開左蟹之後見到甘我連肉都5敢食啦😣之後因為我唔食牛，豬就還好雖然厚咗少少，因為我主要係食呢啲，但係大閘蟹真係勁失望！另外補充下個場細真煲算細既，只係得四人枱，最入有張長梳化所以最多坐到六個人，多過六個人應該就要分枱了。

食物種類不多、最似樣只有半只龍蝦、（生蝦、蠔及蜆仔都未太新鮮）、其他冇咩好食、要揀啲好食嘅嘢就要俾錢做生意不需要賺到咁盡嘅我覺得.場地佈局很差我們十個人要分三張枱、不如分開吃飯何解我訂位不早講我可以好安排、員工態度又差只叫我吃完海鮮才點其他食物。佢話因為張枱細喎，唔好叫咁多嘢住等你食完海鮮再叫喎、飲料種類不多價錢亦不算實惠一句講晒物非所值。食過咁多自助火鍋最差呢一間仲從未諗過會試到咁差嘅食店!下次你請我都唔會食呢一間舖頭

一坐低，店員遞左一份好confusing嘅餐牌俾我地，猛叫我地用微信scan餐牌上面個QR code，話可以平廿蚊又有一堆優惠券咁。語氣就麻麻咖喇，但咁見佢咁努力就scan啦。我scan左先，已經填緊資料嘅時候佢又遞左另一個code過尼叫我朋友scan嗰個。點知我填晒資料又唔見有優惠券，同個店員講啦，丫佢話因為我太心急scan左餐牌嗰個所以冇喎，要scan佢之後俾我朋友嗰個code先得。即係唔係貪你嗰堆優惠券，但個感覺真心差，我仲要講埋出口話「下，咁都得咖咩？你叫我scan咖喎，我心有不甘咖喎咁」當時有個疑似係店長嘅人都在場，一句表示都冇。識撈少少嘅都應該會offer番啲優惠俾我丫，完全冇之餘仲要怪係我自己太心急？之後我另一個朋友尼到，個店員又拎張嘢過尼叫佢做會員啦。咁我朋友就慢慢一邊整一邊同我地傾計，個店員就不停過尼摧佢問佢做左會員未。到最後我朋友電話網絡唔好，連埋上佢地wifi都load唔到佢個會員page，個店員仲要質疑佢明明俾埋wifi佢點會整唔到。大佬，上唔到就上唔到咖啦，你頭先睇住佢整咖喎。跟住佢就用啲好悔氣嘅語氣話「咁佢地有折你冇囉」lol ok fine 我地真係好想要

之前上網見到人介紹好抵食單獨約朋友黎試下最鍾意食海鮮既我當然唔會錯過坐低有唔同既餐㨂有唔同價錢但CP值都好高除咗蒸海鮮仲有放題式既中式點心及小食打埋邊爐、仲有甜品真係食到攬住個肚走今次帶咗成班人黎個個都食得happy不過多人黎食就要早啲訂位位置唔多

好開心連放長假期，星期六約左先生同兩老去食夜晚，呢家店家超多選擇，相對比較適合兩老🫢喜歡點什麼就什麼！海鮮蒸鍋之龍蝦🦞件件都啖啖肉，夠爽口，最重要係肉質無腥味！兩老食得津津有味！冇怨言！🤣專程點左點心一盅兩件給他們。分係蟹子燒賣皇、一吃難忘小籠包和緣味鮮蝦餃皇。蝦餃👍🏻外皮幾薄，餡好足料，啲蝦🦐幾彈牙，無切得好碎，保留番蝦的爽口感🫰🏻，整體不錯～燒賣👍🏻 蝦既比例好似仲多過豬肉😂；口感好豐富，而且爽口👍🏻，食到最尾會有蟹籽既味衝番出黎❤️有層次！小籠包👍🏻皮薄得肉餡迫爆，肉汁直流！點咗兩個涼拌～～酸辣脆蘿蔔。醃得好吃，酸辣開胃！～手拍爽青瓜。青瓜切得剛好一口大小，很美味😋海鮮類供應；沙白幾大隻，竟然冇沙，超讚！海蝦都好新鮮，肉質彈牙結實。總括而言：食物種類繁多，質素高之外，上菜速度好快，好有效率。呢個價錢真的抵俾有餘，所以食得超級大滿足❗️

呢個放題除了有大閘蟹，仲有生蠔、鮑魚，蟶子，海蝦和貝類海鮮。仲有火鍋，火鍋料一堆堆，肉，丸，菜，餃。當然亦不只大閘蟹海鮮和火鍋咁簡單。連點心，小食，啤酒飲品都有。新鮮海鮮清蒸，原汁原味夠新鮮極好味，鮮甜味道一流。大閘蟹爆滿蟹膏，咸香濃幼又鮮甜，用黎撈飯都一流。生蠔又肥又大隻，好味到震。酸辣脆蘿蔔酸酸辣辣非常開胃，中間隔住黎食，等佢消化下，繼續戰鬥落去。川味口水雞個口水汁又香又辣超惹味，雞皮爽滑雞肉鮮嫩脆配埋惹味口水汁一齊食滋味得不得了，好好味！安格斯靚肥牛用黎打邊爐果然係最好味，時間要控制住，咁就有片靚牛肉食啦！😂

一年一度既冬天又黎啦，✡️雖然而家仲未真正凍，✡️但係已經有想食大閘蟹既心情，食蟹當然就要當季季節食，✡️先係最好食，我搵到旺角呢度有得食大閘蟹，✡️仲要係放題，有成三個鐘咁多，今日就可以食飽飽之外仲坐一坐傾計，✡️真係食得過。💖手拍青瓜貓耳朵💖✝️一陣間準備要食咁多野，首先要食返個開胃菜先，呢個小食好滋味又開胃，酸酸地微辣仲有青瓜既清新味道，直頭係人間美食，開一開胃一陣唔洗食到濟。💖3小時大閘蟹💖✝️哇哇哇！超正既大閘蟹，金黃色既大閘蟹，佢既殼好鮮艷，一打開，有超多蟹膏，黃色既蟹膏食落去有口感，好似食緊鹹蛋黃一樣，佢既蟹肉都好鮮甜美味，食幾隻已經回本啦。💖西班牙黑毛豬💖✝️食到咁上下，就試試其他肉，原來呢份黑毛豬既質素都好好，一塊塊既份量都好平均，佢既白色脂肪都好少，咁靚既豬肉，食入口都無咁高卡。💖一籠籠點心💖✝️呢度實在有太多美食，拎左好多點心，新鮮又夠熱，小籠包好高質，豬肉味濃郁，燒賣大大粒，蝦餃既蝦都好大隻，過幾日又想食多次。

喺open rice買左個150分鐘厚肉龍蝦海鮮蒸氣鍋+澳洲M5和牛，手工點心，火鍋放題。67折$329／位，今晚19：00，2位入座，坐低員工向我scan coupon,然後上醬油$48／位，我個人唔太喜歡點鼓油，所以沒攞蒜，蔥，椒絲，跟住出去雪櫃攞飲品，有汽水，玄米茶，啤酒嗰類選擇，跟住放低蒸籠，準備開餐，服務員會幫客人放食物到蒸籠然後計時蒸海鮮。～頭盤龍蝦，每人半隻，份量都大隻，肉質蒸得剛好。～生蠔，鮑魚，蜆，呢3個食物，食唔到有其鮮味，如果生蠔加小小蒜蒸，鮑魚加少少果皮蒸，可能食品效果更鮮美。～元貝有沙食到好似磨牙咁，沒食到，蝦都正常～M5和牛 攞出黎都溶溶地雪咁，一睇就知係扮和牛，雖然我唔食牛，但平時見朋友食開的出品，未煮熟，睇個樣都知，唔會好食。～黑毛豬 肉旁邊係出左水，見得嗰4塊都費時換，煮熟後係無肉味，應該係普通豬肉。任食小食～酸蘿蔔係壞左，拍青瓜一般，炸魚皮，無論烚前食係淋，烚完後係韌，好彩份量少，如果唔係，我都唔知點食晒，唔想浪費食物。火鍋料～芝心丸食落沒有芝心感覺又無芝士味，鮮豆皮一般，蘿蔔一般。成個任食流程最好食係任食點心，燒賣，流沙包，馬拉糕，薑汁糕，棗皇糕，

旺角不嬲都係火鍋放題嘅戰場，今日嚟到彌敦道Ladder Dundas 9/F ✴️緣味小聚✴️，實測一下佢哋嘅150分鐘厚肉龍蝦海鮮蒸氣鍋究竟抵唔抵食先🔍⚡️厚肉龍蝦⚡️絕對係名副其實，龍蝦肉好輕易就拆到殼，肉質彈牙甜美🧡佢哋嘅貝殼類海鮮選擇多元化，有矜貴嘅新鮮鮑魚、口感柔軟嘅生蠔、甜加多汁嘅白貝⋯⋯呢個價錢食到咁多海鮮，認真抵食☄️⚡️安格斯靚肥牛⚡️肥美油份多，久唔久食吓肥牛，真係一件好愉快嘅事情🧡⚡️精美點心⚡️好似蝦餃&燒賣&小籠包質素高，皮薄料多，上枱時仲出哂煙，食慾大增💥

好耐沒食大閘蟹，來到秋天當然要試下，於是就上網找到呢間，大家都大推，睇下系咪真系甘好食先！ 😋 3小時大閘蟹放題係我地既首選。小食方面我地第一樣叫既就係😋手拍青瓜貓耳朵，其實就係青瓜，好清爽，而且好開胃，酸酸辣辣咁好過癮。另外還有川味口水雞，好中意個味唔會太鹹，而且雞肉好嫩滑，好正！另外毫不吝嗇比左勁多食材，辣椒醬 等等既搭配同味道都非常正宗。視覺味覺享受。海鮮方面都好豐富架，龍蝦龍蝦肉質鮮甜、無雜味，以高湯水煮後稍微調味就非常美味，口感當的Q、另外還有扇貝，鮑魚，大蝦，蜆，蟶子，仲有大閘蟹，有4、5兩一隻、認真有誠意，超級多蟹膏，甘香鮮甜。肉質都好彈牙，入味。😋非常香👍🏻

🎶上星期有位好朋友生日，要搵個地方食生日飯，至於我就見旺角有間食放題，睇到佢地既相同環境都幾吸引，有興趣食返一次，呢度既職員服務態度好好，我地叫了好多美食☺️🎶就係咁岩想食蒸鍋，正正就係呢度有，可以食到龍蝦海鮮蒸氣鍋，仲要係厚肉個隻，睇到佢既餐牌好豐富，有大量海鮮，龍蝦，仲有點心，肥牛同豬肉都一定有，同埋有火鍋配料，仲有果汁氣水同埋大量啤酒，都係任飲，款式多樣化，係唔錯既🪶鮑魚🪶➖➖➖➖睇下佢既鮑魚幾大隻，又厚肉，都要用小小力去刮開個殼，食過覺得鮑魚好有彈性，仲有陣陣既鮑魚香味，就算蒸鍋或者係火鍋，都一樣咁好食🪶生蠔🪶➖➖➖➖睇真D，生蠔肉質好靚，好新鮮，仲要連殼一齊上，食落去既味道仲有種海水味添，生蠔既煮法都係多樣化，火鍋煮鍋同樣都掂，要食多幾隻先🪶新鮮生猛龍蝦🪶➖➖➖➖成個放題餐既主角，就係龍蝦，龍蝦真係好大隻，龍蝦肉好好食，仲食到好多蝦膏，而家涼涼地既天氣，最好就係食龍蝦🪶安格斯靚肥牛🪶➖➖➖➖原來除左海鮮之外，牛肉都一樣好食，佢既肥牛係安格斯，都比得好足料又有重量，佢既脂肪同肉都好平均，食起上黎好香牛味同牛汁 🪶西班牙黑毛豬🪶➖➖➖➖呢度既豬肉好靚，仲放得好整齊好有心機，豬肉既顏