Video
Read full review
2013-08-20
91 views
相信大家都會發覺近年無論香港有任何新食肆開幕，門外一定會水洩不通，例子有銅鑼灣一蘭，太子パン達人手感烘焙同埋銅鑼灣呢一間咖啡弄等等。我光顧過咖啡弄兩次，不過相信兩次都應該已經足夠。相比第一次喺4月尾去咖啡弄食第二輪，今次就11點去到，排第一位內進所以食到第一輪，夏天在餐廳外樓梯等位確係十分炎熱。 內進後，環境頗為舒適，要讚既係侍應十分有禮貌，比到一個家的感覺自己。 限時進食90分鐘，同一位朋友睇完Menu後，決定叫法國麵包佐咖哩牛腩，草莓冰淇淋鬆餅，鹽味焦糖冰淇淋鬆餅，BBQ豬排三文治同埋冰維也納咖啡。首先來到的是冰維也納咖啡($46)，咖啡味尚算香濃，面層忌廉頗為creamy ，唔錯。之後，期待了很久兼每日限定既法國麵包佐咖哩牛腩($66)終於來到。本人是一名十分喜歡吃牛腩既年青人，我覺得全港最好既三間牛腩係大埔群*，天后*姐同埋中環九*。究竟咖啡弄既牛腩會係點？一開始試一試d咖哩‧‧‧嘩！好難食！！！ 出係出喺整咖哩既香料問題，味道難以令人接受，好似食緊藥材咁既味道。法包方面上枱時已經唔熱，凍左之下既法包好硬，一啲都唔脆口，難以咬開。薯仔唔入味，完全冇咖哩味，而且太腍。
內進後，環境頗為舒適，要讚既係侍應十分有禮貌，比到一個家的感覺自己。 限時進食90分鐘，同一位朋友睇完Menu後，決定叫法國麵包佐咖哩牛腩，草莓冰淇淋鬆餅，鹽味焦糖冰淇淋鬆餅，BBQ豬排三文治同埋冰維也納咖啡。
首先來到的是冰維也納咖啡($46)，咖啡味尚算香濃，面層忌廉頗為creamy ，唔錯。之後，期待了很久兼每日限定既法國麵包佐咖哩牛腩($66)終於來到。本人是一名十分喜歡吃牛腩既年青人，我覺得全港最好既三間牛腩係大埔群*，天后*姐同埋中環九*。究竟咖啡弄既牛腩會係點？
一開始試一試d咖哩‧‧‧嘩！好難食！！！ 出係出喺整咖哩既香料問題，味道難以令人接受，好似食緊藥材咁既味道。法包方面上枱時已經唔熱，凍左之下既法包好硬，一啲都唔脆口，難以咬開。薯仔唔入味，完全冇咖哩味，而且太腍。唯一可取係牛腩，唔太un，頗為爽口，但係可惜比好難食既咖哩，薯仔同法包影響，令到成碟味道都根本係唔好食。而且份量太少，食完之後等如食左空氣落肚，似無食過一樣。筲箕灣恆*咖哩屋既咖哩牛腩更加平而且好食好多。
之後嚟到既係鹽味焦糖冰淇淋鬆餅($58)，個cream幾smooth，caramel雪糕配搭鬆餅都算幾好食，鬆餅幾香但唔脆，太eggy，密度亦好高，我身為男仔都食唔晒1份4塊既鬆餅，建議可與朋友share。
BBQ豬排三明治，本身有期望，因為諗住BBQ烤過既豬排應該會幾香脆點知... 咦，上枱既BBQ豬排其實係火腿....同真正豬排口感爭太遠喇掛?! 三明治麵包烘過所以都幾香，但蛋黃醬唔太好食，火腿直情失敗，唔建議叫。想叫三明治既各位可以選擇叫總匯三明治。
全店我覺得做得最好既一碟係草莓冰淇淋鬆餅($58)，同樣地，鬆餅鬆軟但唔脆口，成功係在於士多啤梨幾新鮮同埋幾甜，CUSTARD都幾好食，唔錯。 ------------------------------
整體嚟講，對咖啡弄係有少許失望，畢竟要排咁耐隊先可以入到嚟食，對食物質素要求高番少少應該都合理，對嗎？法國麵包佐咖哩牛腩雖然話每日限定但我覺得其實係全店最失敗同最難食既食物。咖啡弄開業咁耐仍然有好多人排隊，相信係因為出左名同埋唔少人既朋友都話好食之後大家就會有種羊群心態去試下，無可否認，我都係羊群中既其中一隻羊 不過食完之後，我要離開羊群了。至於值唔值得再去一次...其實店內無咩食物或飲品可以令我一試難忘，但係如果無人排隊既話，都或者可以詳細考慮下既。
Post
