越棧越式湯粉專門店 (荃灣廣場) (Closed)

難得的假期領太后旨令拿野出荃灣，約左3點最後變4半，咁就唯有拿住d野四圍走，由原本只係想搵間咖啡店（點知太多人），到入大商場citiwalk同附近個d星巴克都爆多人，仲要撞正一田購物節，成個商場想搵個位坐低飲野都搵左成9個字終於比我搵到即使一丁友去食都唔老尷的越棧。反正仲有時間就黎個下午茶hea時間，$40一款粉＋飲料，特飲＋4，可能太多游客的關係，明明我用廣東話落單，職員用普通話幫我落單仲問同對面個個係唔係要起tem. 上菜速度都ok, 10 mins都到齊我點的牛脷湯檬＋三色冰（特飲），對面飄來好香的咖啡味。碗野由於個人飲唔出係唔係咪精湯，但只覺得幾好飲又唔多油，個粉軟硬適中，雖然主菜得2片大片牛脷，但食落去可以安慰我餸少的弱小心靈，因為食落去鮮甜的牛味出左黎配埋它嫩滑的肉質，一個字讚。不過唔食生洋蔥/蔥/西洋菜的記得一開始走左它，雖然用黎調個湯底辣辣地都開胃。而杯椰汁三色冰，個三色個想像中唔一樣，除左原本會有的綠色啫喱，仲有紅豆同蕙米，三款配料都略嫌太硬。整體黎講就係岩你一丁友唔想食咁多野，附近咖啡店霸滿人，又唔想行就黎試下。