意粉屋 (Closed)

因為會員優惠劵就到期，所以嚟食。經理大wide shot訓示員工，員工又唔服氣頂返轉頭，未開餐先上前戲。黑椒蜜糖雞翼所有食物都好快出菜，仲快過快餐，感覺已整定。上枱時侍應用人肉錄音機嘅聲線介紹食物，聽見都覺得佢做得好辛苦。色水偏黑，賣相不太吸引。肉滑，但黑椒同蜜糖味都唔算濃。食過其他餐廳或自己煮都比佢出色。黑松露蘇格蘭煙三文魚雜菌薄餅零松露味、煙三文魚也鋪得不太美觀。派底乾身脆口，比pizza hut薄派優勝。多芝士，但味道偏淡，要加黑椒先夠味。