Video
Read full review
2016-11-05
1385 views
正所謂人衰行路真係打倒褪，爸爸媽媽結婚週年紀念晚餐就咁敗咗響我手上喇唉～原先喺openrice見到喱間啲review都幾好，嘢食又幾特別，打去book位時個staff又好殷勤咁，都滿心期待去食嘅。Menu上唔算多嘢揀，所以我都expect啲dish都係佢撚手嘅咁。去到間餐廳，見佢冇擺我位，當時我不以為意，諗住一陣就會有，費事咁小事都chur人啦，吖點知成餐飯食到最尾，位都冇擺俾我，有一刻諗我係咪已經死鬼咗所以佢睇我唔到👻我去到之時已經上晒菜，由於9點鐘last order所以我拿拿淋嗌定埋甜品，跟住就開始食啦～一望，嘢食果然係好「家鄉」咁款，賣相嚟講係冇咩賣相嘅，所以有啲我係相都冇影，相機都唔係幾開胃冇話想食先。唯一有影嘅主菜之一，薑蔥三文魚，味道有啲咸，賣相就有目共睹啦，肉質就拍得住我阿爸甚至我阿嫲嘅。其實仲叫咗個東坡牛肋骨($148)，賣相真係麻麻但食落反而可接受嘅。跟住喱個係我都有少少期待嘅梅菜肉餅糖心蛋都係偏咸，由外到內左至右都係堅咸，唔係好食到梅菜味。好啦，當我一心以為前菜主食都唔太好，可以甜品先係撚手嘢之際，我都只能夠話自己太傻太天真。貴為伏食戰隊隊長嘅我，不知那來嘅勇氣竟
原先喺openrice見到喱間啲review都幾好，嘢食又幾特別，打去book位時個staff又好殷勤咁，都滿心期待去食嘅。Menu上唔算多嘢揀，所以我都expect啲dish都係佢撚手嘅咁。
去到間餐廳，見佢冇擺我位，當時我不以為意，諗住一陣就會有，費事咁小事都chur人啦，吖點知成餐飯食到最尾，位都冇擺俾我，有一刻諗我係咪已經死鬼咗所以佢睇我唔到👻
我去到之時已經上晒菜，由於9點鐘last order所以我拿拿淋嗌定埋甜品，跟住就開始食啦～一望，嘢食果然係好「家鄉」咁款，賣相嚟講係冇咩賣相嘅，所以有啲我係相都冇影，相機都唔係幾開胃冇話想食先。
薑蔥三文魚
$118
33 views
0 likes
0 comments
其實仲叫咗個東坡牛肋骨($148)，賣相真係麻麻但食落反而可接受嘅。
跟住喱個係我都有少少期待嘅梅菜肉餅糖心蛋
梅菜肉餅糖心蛋
$38
30 views
0 likes
0 comments
好啦，當我一心以為前菜主食都唔太好，可以甜品先係撚手嘢之際，我都只能夠話自己太傻太天真。貴為伏食戰隊隊長嘅我，不知那來嘅勇氣竟然仲一口氣嗌咗4款。
29 views
0 likes
0 comments
1. 益力多芭菲—Pre-made甜品其實冇太大問題嘅，但係如果要用粟米片之類脆脆嘢就好心臨上前先放啦大佬
2. 鴛鴦奶凍—喱個真係重頭戲，一啖食落去，酸酸哋仲要好似食到有汽咁😱我完全唔知食緊啲咩，好明顯奶凍酸嘅，個咖啡底有汽，爸爸話係bacteria fermentation ☠️ 知感覺而家諗返都好驚嚇。雖然內心係好驚恐，但我仍然好冷咁嗌咗個staff過嚟同佢講壞咗，佢個樣半信半疑，但都幫我cancel咗，後尾可以聽到我仲有幾句微言，就拎咗個唔知咩奶醬多雪糕話請我哋食。點知，真係一味還有一味伏。完全食唔到係咩味，總之就好鬼怪，佢仲要highlight喱個甜品「啲客好鍾意架」咁話喎🙄
3. 西餅—喱個係一個阿華田加好立克嘅唔知乜，食落去好甜，個texture先係重點，好有童年味道，因為似足細個好鍾意玩嘅泥膠。
4. 最後個西多—味道都係好一般咁。
回想返成餐飯，我淨係諗起嗰啖酸鴛鴦😖
Post
