大樹燒烤 (Closed)

今時今日食串燒，實在有太多嘅選擇，今次我就去咗尖沙咀呢一間嘅大樹燒烤去試一試。我地分別嗌咗唔同嘅串燒去睇下質素如何，佢地有肉類、素菜、海鮮、鍋鍋燒仲有丸類。而菬片、五花肉、豬頸肉、韭菜、千葉豆腐絕係必嗌，特別係菬片入面夾住啲豆角蒜蓉等等，零舍好味😋。肉類串就唔會好似其他燒烤舖咁瘦瘦削削，根本食唔到肉，反而呢間係同一樣價錢，但就俾到你真係食肉嘅口感。今餐我同另一半真係食到回味無窮。香港食燒烤一直俾人嘅感覺都係貴價唔飽，但今次大樹燒烤嘅性價比確實係高，佢地店舖亦都唔會有油煙味及痴痴立立，坐得好舒服。特別適合一班三五知己食住飲返杯吹下水。