Video
Read full review
2010-10-03
17 views
居酒屋大家都去得多，但唔係食日本菜嘅居酒屋，相信大家諗都未必有諗過。今次介紹一間位於銅鑼灣，3C木球會對面嘅一間上樓小店連粵日粵饌居酒屋，店子以粵菜為基本，加上日式居酒屋格局經營，效果出乎意料的好，與朋友吃喝共歡一晚，實在暢快！正如小店名字一樣，此年此月此日，快樂無價！小店面積唔太大，約可容納廿人左右，一貫傳統日式居酒屋格局，坐得都幾舒服。呢度只做晚市，唔預訂係基本上無可能有位，大家有心就要預約喇！醉溏芯($18/隻) - 呢度溏芯蛋前菜做得相當出色，花雕香味融入鴨蛋黃中，入口細膩幼滑，實在好食到不得了，上面幾粒黑魚籽只作裝飾，絕對搶唔到溏芯蛋本身精彩的味道...推介！柚子酒煮花甲($88) - 另一個非常出色嘅前菜，花甲大大隻，肉質鮮嫩爽甜，非一般蜆肉能夠媲美。最精彩就係用柚子酒煮成嘅湯底，混入少少黑椒，整個湯實在好飲到不得了，大家不介意儀態的話，大可以拎起整碗飲下，必定痛快！麻醬蕃茄($38) - 呢味菜色唔算特別，大大隻日本厚身蕃茄，其實只要夠新鮮，就應該會做得好食。呢份麻醬味道夠香夠濃，不過略為稀左少少，否則口感會更加豐富好味～原隻蝦多士($46/2隻) - 蝦多士雖然唔難整，
小店面積唔太大，約可容納廿人左右，一貫傳統日式居酒屋格局，坐得都幾舒服。呢度只做晚市，唔預訂係基本上無可能有位，大家有心就要預約喇！
醉溏芯($18/隻) - 呢度溏芯蛋前菜做得相當出色，花雕香味融入鴨蛋黃中，入口細膩幼滑，實在好食到不得了，上面幾粒黑魚籽只作裝飾，絕對搶唔到溏芯蛋本身精彩的味道...推介！
柚子酒煮花甲($88) - 另一個非常出色嘅前菜，花甲大大隻，肉質鮮嫩爽甜，非一般蜆肉能夠媲美。最精彩就係用柚子酒煮成嘅湯底，混入少少黑椒，整個湯實在好飲到不得了，大家不介意儀態的話，大可以拎起整碗飲下，必定痛快！
麻醬蕃茄($38) - 呢味菜色唔算特別，大大隻日本厚身蕃茄，其實只要夠新鮮，就應該會做得好食。呢份麻醬味道夠香夠濃，不過略為稀左少少，否則口感會更加豐富好味～
原隻蝦多士($46/2隻) - 蝦多士雖然唔難整，但要整得好食真係唔容易。多士部份略嫌未夠鬆脆，但咬落爽度十足嘅蝦肉，配上用千島醬為主嘅秘汁，食落令我相當滿足。
九制陳皮香酥肉($58) - 送上時已聞到極濃郁嘅九制陳皮香味，但陳皮味只係流於表面，似乎未能跟肉排產生共鳴！幸好肉排食落夠酥香，搶回不少分數，不過當然仍有改善空間...
獨子蒜露筍牛肉粒($88) - 鐵板上檯，熱氣騰騰，賣相幾吸引。牛肉粒嫩滑好味，食落肉汁豐盈，唔錯。露筍夠大條又爽脆，比起牛肉粒更搶鏡，掂呀！
燒豬頸肉($58) - 豬頸肉質肥而不膩，食落豐腴爽口，香味濃郁，蘸酸汁食感覺唔錯，佐酒一流。
清湯蘿蔔牛腩($88) - 未食呢度嘅牛腩之前，我一定會推介天后華姐，因為無論湯底或牛腩本身，都非常出色。不過經過呢一晚之後，我會推介呢度嘅清湯蘿蔔牛腩！呢度嘅清湯牛腩全部都係坑腩部份，坑腩屬肋骨部位，外層有骨衣膜包住，所以食落肉質鬆化，味濃而且唔鬆散，加上蘿蔔煮得清甜無渣，湯底鮮甜唔油膩，整體水準相當高，極級推介！
麻辣一丁($48) - 食落無令人嗆鼻嘅辣味，但反而麻嘅感覺會慢慢滲出黎，有少少似初體驗傷心酸辣粉嘅感覺，不過麻後會口腔留著一種苦澀感覺，心裡莫明奇妙，建議若非麻辣愛好者，可以無視。
鵝肝蛋珍珠飯($98) - 黎到連粵日，有三樣菜色係必食的，就係醉溏芯，清湯蘿蔔牛腩同埋呢個鵝肝蛋珍珠飯。鵝肝毫無疑問就係膽固醇很高嘅食品，但我覺得來到呢度就一定要先豁出去，無論如何也要試一下，因為實在唔能夠入寶山空手回...一塊厚厚肥美鵝肝，配上一隻太陽蛋，呢個壓軸出場嘅組合賣相極吸引。影相過後，老闆細心為我地拌勻，將鵝肝混和蛋黃撈進珍珠飯，香味撲鼻，入口甘香，滋味無窮，實在好味到有感動流淚嘅感覺...人間美味，就是如此！
連粵日粵饌居酒屋整體來講，真係俾到我好大驚喜，舒適嘅環境，貼心嘅服務，精彩無比嘅美食，加埋非常合理嘅價錢，絕對係值得推介俾大家！
Post
