陸陸雞煲火鍋 (Closed)

呢度嘅收費係按人頭收費，雖然唔係仼食，但都一定夠食！～首先有雞煲，雞煲可以揀唔同嘅辣度。食完雞煲之後就可以加上湯，有龍蝦湯同蟹湯揀。～之後就上海鮮拼盤，有魚蝦蟹鮑魚聖子蚌螺魚蜆生蠔，每樣既份量都好多，又大隻又新鮮！～之後就上肉，有牛柳粒，有豬有牛，份量都係好多！～菜之後有菇有丸有餃有炸魚皮。完全飽到食唔落！～最值得稱讚嘅地方係呢度既服務好好，由一坐低就有侍應安排醬料，之後雞煲都有侍應控制火候同攪勻雞煲。侍應仲會幫手上菜，收碟都好快，唔會逼到成枱都係野。～飲品要另外收費，人頭費唔包，另外仲可以嗌小食，例如雞軟骨、豬頸肉。～落單用iPad,ipad全程跟枱，所以都好方便～