家樂餐廳

Open Now

Now Closed

老朋友最近轉去火炭工業區工作，經常說火炭工業區無啖好食，唔似以前在觀塘工業區工作，大把好嘢食，今日星期六，朋友原本放下午，相約去佢公司等佢收工，但下午突然有業務要處理，就在佢公司附近食個快飯吧。朋友帶我去火炭鐵路站河對面，位於火炭村村屋內的 嘉樂餐廳。中午十二點半餐廳已經八成滿座，同朋友坐低點了兩個小菜套餐一齊食。栗子炆雞雞好入味，醬汁濃度適中，栗子就唔係好夠透，份量足，味道好，伴飯一流。西蘭花炒蝦球西蘭花炒到啱啱熟透，仲保留爽脆度，蝦球彈牙， 雖然係急凍蝦 ，但都食到有蝦味，廚師功夫係唔錯，而且分量好充足，對得起價錢。唯食到中途，午飯人潮殺到，餐廳變好迫，左搭枱，右搭枱，迫到透不過氣，很不習慣，盡快食完走人。