咖啡弄 (Closed)

星期日下晝突然間想食咖啡弄，又好耐無食，本身都預咗要去排隊😂吖⋯下午茶時間竟然唔駛排隊仲有好多位淨，係熱潮已過定係質素問題呢?!🤔我每次都會飲【OREO碎片冰沙】，唔係好甜，大大杯又足料，好多OREO碎+朱古力碎粒，沙冰又唔馬虎，打得好幼細，所以必飲👍🏼【冰滴咖啡】聲稱係每日數量限定，但從未試過賣晒😂就算凍飲咖啡味都好香濃，加唔加奶同糖水悉除尊便，又係必飲之選👍🏼【海鹽焦糖拿鐵】熱飲帶出咖啡嘅香，仲有好重海鹽味，咸咸地嘅咖啡又幾得意😋另外個cream好杰，放落咖啡都唔溶，所以放棄咗佢，就咁飲個咖啡已經好夠【玉米里肌起士可頌】個名好難明🤣其實係牛角包入面有火腿+芝士+粟米，個牛角包唔算好熱，只係暖暖地，不過都keep到脆卜卜，加埋濃濃芝士好邪惡，愈邪惡愈好食是定律吧😈【芥末培根起士三文治】略嫌多士煎得唔夠，有d淋，但餡料加埋芥末醬就幾夾，如果塊多士可以脆口就滿分喇😅伴碟有一球蛋沙律同埋菜，作為伴碟非常有誠意同好味道👍🏼