大壹燒鵝 (MOSTown Street新港城中心大街(3期))

Open Now

Now Closed

最近樓下開左間新餐廳，個個街坊食完個燒鵝都讚不絕口，不論午市晚市都坐無虛席，今晚一於帶埋屋企人一試究竟。到達時已見人龍，我地等了10分鐘左右入座，店內有大魚缸游水海鮮，玻璃櫥窗排列整齊嘅乳豬燒鵝，待應已招呼不暇，但服務態度都好親切有禮。我地總共落了四個菜，其中燒鵝和蒜蓉開邊蒸蝦差不多是每枱客人必點的。燒鵝4個人食叫半隻都覺得好大份，鵝皮入口夠脆，鵝肉肥瘦剛好，大大舊肉厚有肉汁，當然唔少得點埋酸梅醬一齊最好味啦蒜蓉開邊蝦大大碟份量十足，蝦肉新鮮爽口，再配上啖啖蒜蓉粒同豉油汁，簡直係這道菜嘅最佳食法，唔好唔記得食埋粉絲，蒸至軟身唔會太硬，撈蒜蓉豉油索汁食最正豉椒炒蜆 蜆肉大大隻無沙夠新鮮 汁煮得剛好食埋配菜青椒不會太鹹啫啫通菜煲 用燒熱嘅瓦煲盛載，熱辣辣夠晒鑊氣惹味，肉碎留來撈飯食一流這裡上菜速度快，服務態度良好，還有有乳豬、燒味、海鮮、避風塘都好吸引，一次過都試不完，難怪不乏捧場客呢。