神虎拉麵 (Closed)

講真，本人極不喜排個幾兩個鐘頭隊，去食一件野...就算幾好食都係假...如果呢間店唔係係我屋企附近，我都未必去食... 廢話少講...講下碗麵先...湯底：豬骨濃湯確係出色，濃度對我黎講係適中，可惜較油一點，但這算是日本拉麵0既特點之一，喜歡它的便要接受。麵質：唔算特別爽口彈牙，本人較喜歡公仔麵咁0既質感，可能你會喜歡。叉燒：瘦，唔會好似豚王果 D 一塊肥膏咁，但沒什麼味道半熟蛋：講真，我覺得熟左少少，唔夠流心...我食過最好食的，暫時都係以前銅鑼灣 888 拉麵果隻蛋...夠哂入味同流心！荀：鮮嫩夠味，呢個讚！餃子：一般水準，可以不叫。