Video
Read full review
2012-07-25
10 views
大家好，小弟第一次寫食評，請多多指教！想試寫好耐，之前同女友食野一路我都有影相留番黎寫，奈何相機唔夠勁質素唔好，咁岩換左電話有得影新相，就拎意粉360黎做第一間喇。小弟同女友星期六大約下午兩點幾去食，之前無食野，當食Lunch + Tea啦，門口見到佢有set lunch，大約$6x~9x，都ok既，咁就行左入去。果陣都幾多人，但咁岩就有張二人桌唔駛等，呢間餐廳D service 真係幾好，我諗女侍應問暖水凍水同勁殷勤既經理好多人都知，我記得大約一年前食都係咁，服務水準都保持得幾好。兩點食Lunch都幾肚餓，叫左個燒豬仔骨拼凱撒沙律薯條 ($98) 同忌廉汁蟹籽海鮮意粉(唔記得$64定$68) 兩個餐~首先黎左兩個湯，女友同我都揀左忌廉蘑菇湯而無揀菜湯。個湯不過不失啦，不過杰左少少，同幾重味精味...蒜蓉多士都係正路野~豬仔骨價錢唔平，但有四大舊骨，見到成大盤咁上真係嘩左一小聲。每舊可以切開2~3條，份量都唔少。肉質有少少韌，個汁酸酸地，有點似水牛城雞翼果隻汁，都幾開胃。沙律清清地，菜都夠脆，又唔會勁多汁，搭左麵包糠同煙肉粒幾香口，不過份量應該要多D啦，尤其係煙肉粒。XD 薯條係正常S
小弟同女友星期六大約下午兩點幾去食，之前無食野，當食Lunch + Tea啦，門口見到佢有set lunch，大約$6x~9x，都ok既，咁就行左入去。果陣都幾多人，但咁岩就有張二人桌唔駛等，呢間餐廳D service 真係幾好，我諗女侍應問暖水凍水同勁殷勤既經理好多人都知，我記得大約一年前食都係咁，服務水準都保持得幾好。
兩點食Lunch都幾肚餓，叫左個燒豬仔骨拼凱撒沙律薯條 ($98) 同忌廉汁蟹籽海鮮意粉(唔記得$64定$68) 兩個餐~
首先黎左兩個湯，女友同我都揀左忌廉蘑菇湯而無揀菜湯。個湯不過不失啦，不過杰左少少，同幾重味精味...蒜蓉多士都係正路野~
豬仔骨價錢唔平，但有四大舊骨，見到成大盤咁上真係嘩左一小聲。每舊可以切開2~3條，份量都唔少。肉質有少少韌，個汁酸酸地，有點似水牛城雞翼果隻汁，都幾開胃。沙律清清地，菜都夠脆，又唔會勁多汁，搭左麵包糠同煙肉粒幾香口，不過份量應該要多D啦，尤其係煙肉粒。XD 薯條係正常Size，應該係一包包冷藏果隻，好在都上碟時都夠脆，有茄汁同豬仔骨果隻汁跟碟上。
個海鮮意粉真係幾好食，海鮮如圖所見有蝦啦、魷魚圈啦、蜆仔啦、同一粒咁多既帶子(貝柱)仔，都尚算足料。意粉硬度ok，最出色係個汁，可能我自己中意食忌廉汁啦，加埋蟹子係度最尾我清埋個汁haha餐茶凍檸茶X2 正常 亮點為出得比較慢
可能我同女友係食呢方面都比較易滿足，總結黎講都係食得開心既 小弟初次寫食評，唔好既地方請各位指正 m<_ _>m 下次見!!
Post
