Video
Read full review
2025-01-19
1724 views
啱啱過去嘅星期日同洪哥參加咗個10km慈善賽，成績都幾OK，加上佢又啱啱晌日本「關西」跨年旅行，食咗好多日本好嘢，喺無食鐵板燒，所以，今晚同佢兩支公上到嚟「鐵板燒海賀」食番餐豪嘅賀一賀，順便提早團個年。唔好睇佢門口細細，其實內裡有乾坤，佈局上，除分設咗幾個鐵板燒席前區之外，仲有多張挨窗嘅4人枱，供應俾唔食鐵板燒嘅客人。此外，仲有啲對住落地大玻璃嘅廂房，因為有客，就唔方便入內參觀。裝修方面，非常高格調，一來地方寬敞，座位編排闊落，二來樓底特高，空間感十足，再者就喺餐廳位處居高臨下，遠眺對岸，入夜燈光如繁星，甚為璀璨。就算食咁高檔嘅鐵板燒，感覺氣氛都喺好輕鬆。講到坐位，當然喺揀堂前席就最好不過啦，一來可以欣賞師傅做菜嘅手藝，二來有咩問題又可以直接問，跟師傅交流吓、學吓嘢。無論睇店名，還是睇格局，明顯都喺主打鐵板燒，其實，餐廳都仲有好多刺身、日式料理供選擇。之不過，呢個「秋冬會席」套餐就最高性價比，連埋麵豉湯，其實有10道菜，既有刺身，又有特別料理，並有4款鐵板燒美食，原本標價$1,080，依家定價每位$880。如果想更加豪氣，更可以追加南非鮑魚、西澳洲龍蝦及北海道海膽！飲品方面亦多元化，基
唔好睇佢門口細細，其實內裡有乾坤，佈局上，除分設咗幾個鐵板燒席前區之外，仲有多張挨窗嘅4人枱，供應俾唔食鐵板燒嘅客人。此外，仲有啲對住落地大玻璃嘅廂房，因為有客，就唔方便入內參觀。
裝修方面，非常高格調，一來地方寬敞，座位編排闊落，二來樓底特高，空間感十足，再者就喺餐廳位處居高臨下，遠眺對岸，入夜燈光如繁星，甚為璀璨。就算食咁高檔嘅鐵板燒，感覺氣氛都喺好輕鬆。
講到坐位，當然喺揀堂前席就最好不過啦，一來可以欣賞師傅做菜嘅手藝，二來有咩問題又可以直接問，跟師傅交流吓、學吓嘢。
無論睇店名，還是睇格局，明顯都喺主打鐵板燒，其實，餐廳都仲有好多刺身、日式料理供選擇。之不過，呢個「秋冬會席」套餐就最高性價比，連埋麵豉湯，其實有10道菜，既有刺身，又有特別料理，並有4款鐵板燒美食，原本標價$1,080，依家定價每位$880。如果想更加豪氣，更可以追加南非鮑魚、西澳洲龍蝦及北海道海膽！
飲品方面亦多元化，基本嘅汽水、啤酒、果汁就唔少得，亦提供唔同嘅餐酒、烈酒、雞尾酒及非酒精嘅雞尾酒。
Ananas Comosus $108既然咁高興，就嗌兩杯無酒精雞尾酒試試，洪哥就揀咗杯以熱情果汁、菠蘿汁、青檸及薑味梳打溝成，賣相好東南亞風，洪哥就話入口清爽，滿滿果香味，配濃味嘅鐵板燒好搭配。
Callisia Repens $108小弟所揀嘅喺以青檸同接骨木花湯力組合成，再加一小串薰衣草做裝飾，賣相好晶瑩，未飲都覺得透心涼，配即做即食熱焫焫嘅鐵板燒，一熱一凍非常過癮。
精選秋冬前菜兩點不過，未入正題鐵板燒之前，先迎來多款日式料理，打頭陣喺兩款開胃前菜：鮟康魚肝、燒海鰻配昆布。賣相的骰精巧，前者口感軟滑細緻，味道濃郁，而後者鰻魚味濃，質感柔嫩，昆布醋漬過，去膩感強。
精選秋冬前菜兩點
0 views
0 likes
0 comments
秋冬精選刺身跟住落嚟喺刺身三點，包括有赤身、油甘同甜蝦，貫徹日本菜嘅一貫精緻，刺身嘅外觀亮麗有光澤，睇落夠晒新鮮。入口赤身味道鮮甜，油甘清爽，甜蝦肉質帶回黏，甚有蝦鮮味。
松葉蟹大根煮物最鍾意就喺啲蟹菜式唔使自己拆肉，就可以大大啖蟹肉入口，所以，呢度煮物甚得小弟歡心。面頭嘅松葉蟹肉好鮮味，而中間有一件嫩滑嘅炸豆腐，最底下就喺汁煮蘿蔔，咬落極之清甜，入口更喺無渣，記得飲埋底下嘅本菇清湯。
松葉蟹大根煮物
19 views
0 likes
0 comments
甘鯛立鱗燒芒果蛋黃醬甘鯛立鱗燒讓人好有驚喜，外表炸到金黃，咬落外皮酥脆到不得了，配上京蔥一齊入口，有種平衡感；而魚肉滑溜無比，沾上芒果蛋黃醬，味道極具層次，甚有錦上添花之效。
甘鯛立鱗燒芒果蛋黃醬
4 views
0 likes
0 comments
甘鯛立鱗燒芒果蛋黃醬
8 views
0 likes
0 comments
卒之輪到鐵板燒菜式登場，先喺呢個燒帆立貝，睇住師傅喺鐵板上煎呢一隻珍寶級厚肉帆立貝已經萬分期待，帆立貝兩面煎至黃金放上有松茸清湯嘅貝殼上，非常吸引。肉質果然爽口嫩滑，味道鮮甜，松茸清湯菌香而清甜，配搭出色。
鐵板燒帆立貝松茸清湯
35 views
0 likes
0 comments
睇住師傅點樣將隻大蝦翻嚟翻去，燒至焦香，再擺盤、加裝飾，實在喺賞心樂事，呢道大蝦賣相立體，體現出師傅嘅手藝。而蝦肉唔單止新鮮彈牙，仲極具鮮蝦味，配上蜜糖山葵醬，微微辣，非常有趣，多士片烘得脆口，可以搽埋啲蜜糖山葵醬唔好嘥。
鐵板燒大蝦蜜糖山葵醬
0 views
0 likes
0 comments
鐵板燒美國牛肉眼薄燒唔介意可以加$200轉為A4和牛厚燒，但小弟覺得呢個美國牛肉眼已經好好食。牛肉煎至焦脆，咬落喺有微微焦脆感，而軟腍富肉香，裡面捲住好多蔥粒同炸蒜，食起嚟味道變得更多元化。再伴有鮮甜多汁嘅意大利蕃茄，食得出每樣食材都喺上乘之材。
鐵板燒美國牛肉眼薄燒
0 views
0 likes
0 comments
鐵板燒美國牛肉眼薄燒
0 views
0 likes
0 comments
睇住師傅做最後一道鐵板燒嘅菜式「炒飯」之時，侍應先捧上一客麵豉湯，雖然只喺簡單一道麵豉湯，但都有高低之分。呢碗湯嘅麵豉味濃而不濁，唔會有過鹹嘅問題，裡面又有唔少油豆腐同昆布，非常好飲。
三十六個月風乾伊比利亞火腿炒飯雖然喺鐵板燒，但喺個炒飯一樣食到有「鑊氣十足」嘅感覺，加上啲飯炒得粒分明，爽口不油膩，配埋鹹香油潤嘅西班牙火腿，成為升級版嘅炒飯，三扒兩撥就幫佢清晒成碗，而且，食完更唔會碗底起油。
甜品接近尾聲就梗喺輪到甜品時間，今晚所試到嘅甜品喺紅豆抹茶奶凍，大大粒嘅紅豆既清甜，又軟腍，而裡面仲混入咗少少營養十足嘅桃膠，下層
嘅奶凍抹茶味濃郁帶甘，質感軟滑，着實唔錯。
整晚嘅用餐體驗的確非常之好，由招呼入座、到上菜、講解菜式，都做到非常到位，侍應都好有禮貌，加上每度菜都有心思，用料上乘，食得出師傅手藝，尤其坐喺堂前席，可欣賞埋師傅做菜，何其賞心樂事。
Post
