ATUM Desserant (Closed)

最近 ATUM 都開咗好多唔同特色既餐廳，有西餐，有泰國菜，但一直令我期待既都係佢地第一間人氣甜品店 - ATUM Desserant。黎到銅鑼灣 L. Square 樓上，餐廳以吧檯，開放式製作台同落地玻璃為主，感覺整潔；日頭黎仲有自然陽光，非常舒服喔！入座後先點一杯飲品，「香蕉朱古力」，味道微苦，有點點香蕉味，原來落咗少少酒精。然後店員提點我哋可以將包包掛係檯下面呀，好細心 享用過 daily special 既 welcome drink 之後，甜品師傅就俾咗黑、白、灰「畫板」顏色選擇，然後就開始以芒果、香芋、椰子、紅莓果醬繪畫同寫上我哋既名。我個人特別鍾意椰子同香芋醬。然後有更多既點綴，例如蜜瓜、士多啤梨、芒果糖分；抹茶粉；菠蘿脆脆、紅桑莓脆米；柑桔果凍；朱古力慕絲；焦糖脆脆、抹茶麻糬同哈蜜瓜奶凍。其中菠蘿脆脆帶酸，紅桑莓脆米微甜脆口，口感好豐富。不得不提既有黑糖咖啡忌廉，配埋滑嘟嘟既朱古力慕絲，唔會太甜，我鍾意！焦糖脆脆就較為痴牙，不過男朋友好鍾意食喔~ 之後甜品師傅放上幾片以 70% 黑朱古力做成既脆片，帶點點苦澀味，好好食。最後來到拍片時間啦！甜品師傅即場用凍冰冰既液態氮