Video
Read full review
2011-04-10
28 views
又想食壽司又怕日本野幅射，所以去左明將食(安全至上)第一碟海哲壽司，完全地同香港既不同.如橡筋般既海哲，有一股辛酸既味道，無錯，我感受到壽司師傅整壽司既辛勞，我知道，師傅既汗酸已同壽司醋緊緊地包含，化身為難入口的苦痛；我食既，並非壽司，係師傅既故事。第二碟既吞拿魚壽司，勾起兒時母親為我做既愛心三文治；過多既沙律醬令我滿口都係那孩堤時既感覺，我食既，係童年回憶。第三碟既係蝦壽司，晶瑩既蝦肉配上鮮紅既魚春及不規則的紫菜，滑入口中，候嚨既深處，撩起我寂寞的感覺；尤如初戀，外表平凡，入口苦澀。魚腥味迷戀我的口腔，更令我感覺到大海的味道。食既，係發生係大海的初戀故事。食到此刻，一位店員攞着多盆食物向我說話，或者我太深入自己既世界，我完全聽不清店員既訴說，只是聽到濛龍既聲音。付出45蚊用味蕾聽三個故事，我離開左明將，懷著沉重既步伐番到家中。當壽司師傅既歷史，童年回憶，大海初戀被混作一起，會變成咩？係一碟碟既嘔心。係依個時候，我既心情，就只有“今天終於知道錯”依首歌可以表達。我覺得，食明將係一種男人既浪漫。當一個朋友肯同你食明將，你要知道，佢係陪你玩命。我甚至，懷疑明將個十二個好評根本係打手比既。但
第一碟海哲壽司，完全地同香港既不同.如橡筋般既海哲，有一股辛酸既味道，無錯，我感受到壽司師傅整壽司既辛勞，我知道，師傅既汗酸已同壽司醋緊緊地包含，化身為難入口的苦痛；我食既，並非壽司，係師傅既故事。
第二碟既吞拿魚壽司，勾起兒時母親為我做既愛心三文治；過多既沙律醬令我滿口都係那孩堤時既感覺，我食既，係童年回憶。
第三碟既係蝦壽司，晶瑩既蝦肉配上鮮紅既魚春及不規則的紫菜，滑入口中，候嚨既深處，撩起我寂寞的感覺；尤如初戀，外表平凡，入口苦澀。魚腥味迷戀我的口腔，更令我感覺到大海的味道。食既，係發生係大海的初戀故事。
食到此刻，一位店員攞着多盆食物向我說話，或者我太深入自己既世界，我完全聽不清店員既訴說，只是聽到濛龍既聲音。
付出45蚊用味蕾聽三個故事，我離開左明將，懷著沉重既步伐番到家中。
當壽司師傅既歷史，童年回憶，大海初戀被混作一起，會變成咩？
係一碟碟既嘔心。
係依個時候，我既心情，就只有“今天終於知道錯”依首歌可以表達。
我覺得，食明將係一種男人既浪漫。
當一個朋友肯同你食明將，你要知道，佢係陪你玩命。
我甚至，懷疑明將個十二個好評根本係打手比既。
但係，人生在世，係一定要試一次依種浪漫。
Post