鳴虎 (新城市廣場三期) (Under Renovation)

漫無目的哋喺沙田行下超市行下舖頭，喺某個角落頭就見到鳴虎拉麵，諗起早排個電視節目就話啲員工一日由朝到晚食拉麵都食唔厭，我就唔可以喇，但係，一個禮拜一至兩次拉麵都好正常嘅，亦都係必須，咁呢日必須係佢。呢期既“期間限定”係“北海道蟹肉冷麵”同埋“黑胡椒豬軟骨拉麵” ，由於朋友嗌咗“日本魚乾豬骨湯拉麵”，咁我就試下冷麵啦，見到有🦀肉，蟹柳，魚子，材料都夠豐富，同埋個麻醬係分開㗎，可以自己調教，好好吖👍👍至於朋友個拉麵，有两大片叉燒，又有個非常流心的溏心蛋，同埋濃郁嘅湯底，都係好味之選。