Mood Coffee

Open Now

Now Closed

當心情馬馬地嘅時候，我就鍾意一個人去嘆杯咖啡放鬆一下，今日就咁岩見到呢間mood coffee，希望它可幫幫我。咖啡店黑白色為主，好型呀！地方小小，只有兩三個座位，客人多數以外賣為主，我就好好彩有位坐低慢慢嘆，仲可睇住咖啡師沖調咖啡，正!食品有幾款三文治、甜品和蛋糕，但今日小店好生意，三款肉類三文治都賣光了，嗚……全牛油果三文治 Healthy ($42) 係將全個牛油果放在厚切方包上。牛油果好香滑，方包就皮少少香脆，包身軟熟，簡簡單單加啲黑椒就好好味，like!飲品選擇多啲，有黑啡、奶啡、特飲和心情限定。在心情限定系列中揀咗杯伯爵漸層咖啡 Dirty Earl Grey ($50+$5轉杏仁奶），原來以咖啡、杏仁奶和伯爵茶奶沖成，味道平均，既有香濃咖啡味，亦有伯爵茶幽香，飲落甘甘苦苦，好醒神！