蟹慶

Open Now

Now Closed

Restaurant Week 呢個 set 真心好抵食，只係398咋🤑 有齊以下咁多款：柚子蟹肉沙律 – 有少少蟹肉（唔認真睇基本會被忽略），不過柚子沙律幾開胃，做前菜啱啱好前菜2點- 兩款嘅刺身都唔錯幾肥美~松葉蟹肉三文魚籽蒸蛋 – 夠曬滑，加埋松葉蟹肉同三文魚籽口感豐富而且更鮮味黃金燒鱈場蟹腳 已經切開而且經過炙燒嘅蟹腳香氣迫人~殼薄肉多而且已勁剪開好方便進食，蟹肉澎湃而且飽滿又鮮甜！是晚最出色嘅一味豚肉蘆筍卷 – 有一味唔係海鮮嘅單品調劑下，脆嫩嘅蘆筍，清爽嘅口感配搭油香嘅豚肉片好 balance~龍蝦尾天婦羅 - 薄薄嘅粉漿包住鮮嫩彈牙嘅龍蝦肉，食落唔油膩唔會比炸粉搶味，外脆內香鯛魚白湯 – 奶白色魚湯睇落好似好濃，但飲落反而偏清新，同蟹黃飯一齊都唔會搶fo蟹黃瀑布飯 – 一碗有齊蟹黃㗎蟹膏，仲有海膽同蟹籽，睇樣勁精彩，不過食落無想像中咁鮮美~但唔洗剝蟹係特別爽嘅~甜品嘅抹茶布甸出奇地高質，甘而不澀嘅抹茶味，配埋紅豆都唔會太甜~