金翠餐廳 (Moved) New Location

去到舖外，見有提供好多扒嘅選擇。聽聞呢間價錢ok又好味，就試下啦。我地叫左兩份7成肉眼扒，餐是配白/紅湯和薯菜。叫嘅兩份白湯落完胡椒粉諗住攪下佢，點知有一舊舊，飲落仲有啲太咸同唔夠熱。好喇主角黎喇，肉眼扒中間呈粉紅色，唔太多肥同埋筋，食落幾juicy，78蚊黎講算幾抵食不過塊扒岩岩黎到，侍應就急住問要咩餐飲，有啲想催客走嘅feel我地叫左一凍一熱嘅阿華田凍華田幾濃味，可惜熱華田淡而冇味可能因為星期六，外面有其他排隊嘅客人，未飲完待應就急住收錢，找錢時重係到“鄧“張單，感覺很不耐煩。