Video
Read full review
2019-03-10
80 views
呢間放題店曾經比個飲食專欄寫到體無完膚，好彩有朋友黎食過，佢話食物質數高 + 5.5小時放題，相對個價錢係好合理，所以呢日同老公來慶祝一件開心事。呢度比起出面既放題食店好唔同，起碼一入到食店好舒服，侍應好有禮貌，d坐位好寬敞唔迫，而且唔會好似趕鴨仔咁得2個鐘放題時間，比你好舒服咁慢慢食，慢慢傾，而且有圖有真相平反下先得。張餐牌好特別，做到成張報紙一樣，又易明仲有回本推介，真係無乜食店會教你食d乜係可以回本囉高層既放題店，連飲品既選擇都唔同d，我就揀左梅酒，我老公就揀左Asahi啤酒，梅酒好正，足足飲左2支晚市放題有一次性頭盤，頭盤好多選擇，慢慢同大家分享一下先得: 刺身有吞拿魚腩刺身，另外仲有三樣(波士頓龍蝦、牡丹蝦刺身、活赤貝刺身)可以選其中一樣，我同老公都係揀左活赤貝刺身，Toro刺身油脂分佈得幾好，而且又厚切，至於活赤貝刺身就好爽口味噌甲羅燒(燒松葉蟹蓋) 或 珍寶黃金蠔 - 我地都係揀左味噌甲羅燒，個蟹膏香到不得了，試左一啖已愛上，連埋米通一齊食，真係好正籠仔蒸活海鮮 --> 原來係蒸大蜆，有4大隻，隻隻都好肥美，好鮮甜岩石燒---> 可以揀安格斯牛小排 or
呢度比起出面既放題食店好唔同，起碼一入到食店好舒服，侍應好有禮貌，d坐位好寬敞唔迫，而且唔會好似趕鴨仔咁得2個鐘放題時間，比你好舒服咁慢慢食，慢慢傾，而且有圖有真相平反下先得。
張餐牌好特別，做到成張報紙一樣，又易明
仲有回本推介，真係無乜食店會教你食d乜係可以回本囉
高層既放題店，連飲品既選擇都唔同d，我就揀左梅酒，我老公就揀左Asahi啤酒，梅酒好正，足足飲左2支
晚市放題有一次性頭盤，頭盤好多選擇，慢慢同大家分享一下先得:
刺身有吞拿魚腩刺身，另外仲有三樣(波士頓龍蝦、牡丹蝦刺身、活赤貝刺身)可以選其中一樣，我同老公都係揀左活赤貝刺身，Toro刺身油脂分佈得幾好，而且又厚切，至於活赤貝刺身就好爽口
味噌甲羅燒(燒松葉蟹蓋) 或 珍寶黃金蠔 - 我地都係揀左味噌甲羅燒，個蟹膏香到不得了，試左一啖已愛上，連埋米通一齊食，真係好正
籠仔蒸活海鮮 --> 原來係蒸大蜆，有4大隻，隻隻都好肥美，好鮮甜
岩石燒---> 可以揀安格斯牛小排 or 黑豬毛五花腩，咁梗係2樣都要揀啦，哈哈，真係好少食放題可以咁樣有個岩石燒比你係度燒，兩樣都無得輸，d肉質鮮美滑嫩、油花分布均勻，真係好好食，仲要有好多塊啵
最後一道頭盤蟹味噌松葉蟹肉釜飯，釜飯原個上，面前再加熱，可以燒出一點飯焦。一打開個飯蓋，真係好香噴噴，有蟹肉，野菌和鮑魚等，食之前全部混合一起就得勒，其實去到呢度已經7成飽，不過因為個飯太好食，成個KO了
食完個頭盤，我地坐左陣先再開動個胃先點左個刺身，全部都點晒真係好豐富，全部都好鮮甜。另外不得不讚個wasabi, 呢度唔似出面果d hea放題咁，是旦比一包wasabi比你就算，呢度係一舊舊生磨既wasabi，挑埋花架
食左好多放題店，唔多有得食生蠔，就算有都係好細隻，唔新鮮，但係呢間，佢地有2款生蠔揀，日本 or 法國，就咁睇相已經唔駛我多講啦，隻隻都咁肥美，仲好鮮甜爽脆，岩晒我地兩公婆，因為我地都係生蠔怪
之後就跟佢地個回本推介點野食，我一定要推介比你地，記得一定要食厚燒牛舌心串，超好食，超好食，超好食
我個朋友叫我一定要揀人像咖啡，其實我唔知係乜東東，我就問下侍應，侍應話可以send張相片去餐廳的whatsapp，然後咖啡上就會出現果張圖片，我就揀左張同老公既合照相，佢地整好杯咖啡來到果陣，呢個真係呃like呀，完全係張相既拉花，真係好特別
Post
