老富昌色彩 (Closed)

一行三人,原先想喺隔離食Lunch,点知冇位,見呢度(老富昌)唔洗等,又有salad bar好似幾吸引,於是咪入去試吓囉!点知會搞到咁鬼嬲?首先要講個salad bar,車厘茄冇洗過,黐住好多黑色枯葉,失敗! caesar salad 上面啲麵麭粒濕晒,令致口感極差,失敗中的失敗! 千島汁稀到好似水咁,就算想慳家啲都唔係做到咁嘅效果掛?簡直喺失敗中的失............敗! 但其實以下才是我最想講的,就是在我落order時我曾經要求過要一個煎蛋焗豬扒飯,但我不要太陽蛋,而是要熟蛋,但係個waiter已即時拒絕説不可以,我再問其實我的要求是否很過份?他便回覆說要詢問廚房,但之後回覆的答案也仍是一樣,説廚房只會做太陽蛋,不能轉換熟蛋。我這個遭遇也未曾試過在任何食店發生,唔怪得唔洗等位喇? 希望貴店能夠做到珍惜人客,多多改善服務! 但我相信我就有排都唔會再嚟。