老三火鍋 (Closed)

在新田地街睇裝修用品都睇左大半日，入黑時候擡起頭見到有間叫做老三火鍋未試過，膽粗粗入去試下。這裏的招牌湯底係老鴨湯底，得兩個人就叫半隻老鴨湯底試試，湯底來到的時候要完全再滾起，熄火後先飲湯再食鴨之後再著返火翻滾起就可以打邊爐了，老鴨湯湯底是深啡色，湯面飄浮著應該係中藥的配料，裡面還有一些素翅，鴨濃湯底飲落非常特別不帶中藥味濃濃香的鴨味，非常之有特色，鴨肉非常之又香濃，加上素翅好似食鴨翅湯，不錯不錯。開番火之後滾起可以打邊爐了，我地叫了炸魚皮，黑豚肉，內蒙羊，四寶丸，山水豆腐及油麥菜，炸魚皮非常新鮮又薄又脆 , 黑豚肉油脂極香，內蒙羊騷味剛剛好，四寶有牛丸，墨魚丸，虾丸和鯪魚丸，每款都非常之新鮮彈牙，以山水豆腐及油麥菜也是非常質鮮嫩，特別的老鴨湯是這鋪頭的重點推介，希望下次同更多朋友來試一隻鴨的老鴨湯湯底。