Video
Read full review
2019-03-30
188 views
今晚老闆請食飯😍 朋友唔知係加咗人工定係平時遲到遲得多冇罪惡感所以萬歲😏 今次食呢間係樓上居酒屋，格局細得嚟但唔覺得迫促，坐得好舒服好有日本小店味✨一坐低店員就會拎一盤是日時令海鮮逐一介紹，連邊度出產、肉質同味道淡濃都記得一清二楚超級專業😮最後揀咗一客金目鯛，連煮法都有幾款可以揀，而我地就揀咗成品數量最多兼最原汁原味嘅薄切食法，薄到半透明咁但食落又唔會一陣風仲可以有咬口，完美嘅厚薄適中，絕對考驗廚師嘅刀功。好鐘意金目鯛果種魚香油香並重，唔會好似油甘拖羅果啲咁大刺刺而偏向細緻，頭一塊先食其原味，之後再點廚師自家製嘅酸汁調味，兩種食法雙重享受✨之後到另一款刺身日本生蠔，其實最近幾次都有食到日本蠔，今次算係肉身最大嘅一次，入口綿滑蠔味鮮甜，另外廚師加咗少少酸汁調味，令入口果下更加清新✨第三道就係宮崎和牛他他，睇餐牌圖片以為係全新咁食，上菜先知原來係炙燒過再上，的確和牛係燒過下迫啲油香出嚟會更出色，而呢個油香重得嚟牛味嘅存在感都依然強烈不過感覺燒得太勁中間生位唔太多感受唔到生牛肉嘅質感😛牛舌又係驚喜位，實物比想像中大塊，六大塊每塊都有一定厚度，燒得香口之餘又保留到嫩滑彈牙嘅口感，另外仲有跟個辣
一坐低店員就會拎一盤是日時令海鮮逐一介紹，連邊度出產、肉質同味道淡濃都記得一清二楚超級專業😮
最後揀咗一客金目鯛，連煮法都有幾款可以揀，而我地就揀咗成品數量最多兼最原汁原味嘅薄切食法，薄到半透明咁但食落又唔會一陣風仲可以有咬口，完美嘅厚薄適中，絕對考驗廚師嘅刀功。
好鐘意金目鯛果種魚香油香並重，唔會好似油甘拖羅果啲咁大刺刺而偏向細緻，頭一塊先食其原味，之後再點廚師自家製嘅酸汁調味，兩種食法雙重享受✨
之後到另一款刺身日本生蠔，其實最近幾次都有食到日本蠔，今次算係肉身最大嘅一次，入口綿滑蠔味鮮甜，另外廚師加咗少少酸汁調味，令入口果下更加清新✨
第三道就係宮崎和牛他他，睇餐牌圖片以為係全新咁食，上菜先知原來係炙燒過再上，的確和牛係燒過下迫啲油香出嚟會更出色，而呢個油香重得嚟牛味嘅存在感都依然強烈
不過感覺燒得太勁中間生位唔太多感受唔到生牛肉嘅質感😛
牛舌又係驚喜位，實物比想像中大塊，六大塊每塊都有一定厚度，燒得香口之餘又保留到嫩滑彈牙嘅口感，另外仲有跟個辣味噌醬食，感覺比淨鹽燒過癮✨
唯一冷烏冬就相對冇乜特別咁😛
由於呢間居酒屋都幾正宗，所有細節都同日本一樣，坐低即俾冰水同抹手巾，當然居酒屋禮儀一定要叫嘢飲啦😌 除此之外每人一定有一客收費前菜，可以話係日本居酒屋嘅傳統😗
Post
