Video
Read full review
2021-04-18
22 views
雖然我冇追過古惑仔嘅漫畫，但係古惑仔電影一定係陪住我哋長大，知道開咗佢哋主題嘅冰室，即刻好好奇想去試吓睇吓！由門口開始，每一個角落，所有嘅裝修，都充滿住古惑仔漫畫同電影嘅佈置，好正！睇吓佢哋有咩食先？🐓陳浩南乳炸雞翼 $78雞翼表面炸得好香口同乾身，唔會好油！而內裏嘅雞肉仲係好嫩滑。南乳味亦都好出，唔會太咸。但係得五隻實在太少喇😂😂😂🍼包皮炸鮮奶 $68同出面食到嘅炸鮮奶外觀有啲唔同，佢哋用咗麵包皮包住鮮奶去炸，好香口，雖然佢係甜嘅，但係用嚟送飯好夾。一定要趁熱食，鮮奶仲有d流心。🦐世界之最小炒皇 $98食小炒嘅話一定會叫小炒皇，有韭菜，花生，魷魚，蝦乾，同炸白飯魚。好夠鑊氣，同埋有少少微辣，用嚟送飯一流😋🍚黑松露蟹肉海鮮炒飯 $108食炒飯最緊要夠鑊氣，炒飯夠香之餘，亦有好多蟹肉同帶子，加上黑松露，中式得嚟亦添特色，巧巧實😋☕️我大佬係耶穌 $68其實就係黑芝麻鮮奶，我第一次飲黑芝麻鮮奶，好香嘅芝麻味，原來同鮮奶係咁夾㗎！唔捨得咁快飲晒，要慢慢dap 😬😵太子 (一口斷片) $138見到個名咁犀利，而且佢哋仲話通常客人飲完之後都覺得有啲料到，所以朋友話要挑戰下佢！佢哋話係由四種酒Mix
🐓陳浩南乳炸雞翼 $78
雞翼表面炸得好香口同乾身，唔會好油！而內裏嘅雞肉仲係好嫩滑。南乳味亦都好出，唔會太咸。但係得五隻實在太少喇😂😂😂
🍼包皮炸鮮奶 $68
同出面食到嘅炸鮮奶外觀有啲唔同，佢哋用咗麵包皮包住鮮奶去炸，好香口，雖然佢係甜嘅，但係用嚟送飯好夾。一定要趁熱食，鮮奶仲有d流心。
🦐世界之最小炒皇 $98
食小炒嘅話一定會叫小炒皇，有韭菜，花生，魷魚，蝦乾，同炸白飯魚。好夠鑊氣，同埋有少少微辣，用嚟送飯一流😋
🍚黑松露蟹肉海鮮炒飯 $108
食炒飯最緊要夠鑊氣，炒飯夠香之餘，亦有好多蟹肉同帶子，加上黑松露，中式得嚟亦添特色，巧巧實😋
☕️我大佬係耶穌 $68
其實就係黑芝麻鮮奶，我第一次飲黑芝麻鮮奶，好香嘅芝麻味，原來同鮮奶係咁夾㗎！唔捨得咁快飲晒，要慢慢dap 😬
😵太子 (一口斷片) $138
見到個名咁犀利，而且佢哋仲話通常客人飲完之後都覺得有啲料到，所以朋友話要挑戰下佢！佢哋話係由四種酒Mix埋，飲之前要點火同一次過飲。我開頭有問佢哋係有邊幾種酒mix，佢哋話係秘密唔講得🥺雖然之後都有話俾我聽，但係我係唔會話俾你哋知㗎，因為朋友飲完之後真係有啲料到😂😂😂
下次一定要下午茶嘅時候嚟試吓佢哋嘅水靈流奶，而且今次佢哋嘅黑金烏鴉賣晒，無緣試到添！等我飲得返酒嘅時候，嚟試吓佢哋所有嘅特色Cocktail先！同埋佢哋有太多特色小炒，我一定會嚟食晒佢哋😎
P.S.: 好想要佢哋嗰件洪興staff shirt 呀，而且佢哋仲有兩間主題房，可以做吓蔣天生
Post
