Video
Read full review
2015-07-12
1174 views
今日晨咁早就入元朗做嘢，早餐都未食，經過商場時見到又吐司工房，所以就坐低食個早餐先！早餐嘅選擇大多數都係TOAST SET多！我叫咗最經典嘅咖央多士配南洋奶茶，仲可以配半熟蛋或者係煎蛋，我選擇咗煎蛋。十一點後先有嘅粉麵同飯餐。有梳化位可以自成一閣，可以清清靜靜咁嘆番個早餐。我點左嘢食之後，店員先俾咗個牌同杯奶茶我，野食就要坐低等店員俾你！南洋奶茶已經加咗糖，所以本身都係甜嘅，色澤未算金黃，飲落去都算滑，不過就冇港式奶茶咁濃厚！香料味太重，不過亦係南洋奶茶嘅特色！今次件多士睇外表就已經知道烤得未夠火喉，顏色未係全片多士都係金黃色，所以一啲都唔脆身！唔知係咪因為啱啱開舖嘅原因，個多士爐仲未熱，件咖央多士一D都唔錯脆，而且仲係凍冰冰嘅，但係又好明顯係有烤過嘅！正常應該多士係要香脆，而且最好要有微熱，再加埋一片厚厚嘅牛油同咖央醬，食落去應該係外脆內軟、外熱內凍的，咁就最Perfect ！味道方面，因為咖央醬嘅關係所以甜甜地帶有啲椰香嘅味道，再加埋牛油香同鹹鹹地嘅味，所以味道不錯，只係差左多士未夠脆身！我叫咗煎蛋，仲冇2大隻！之後再加埋特製嘅醬油，味道好濃但唔會有好鹹嘅感覺！至於煎蛋就做得唔錯，
早餐嘅選擇大多數都係TOAST SET多！我叫咗最經典嘅咖央多士配南洋奶茶，仲可以配半熟蛋或者係煎蛋，我選擇咗煎蛋。
十一點後先有嘅粉麵同飯餐。
有梳化位可以自成一閣，可以清清靜靜咁嘆番個早餐。我點左嘢食之後，店員先俾咗個牌同杯奶茶我，野食就要坐低等店員俾你！
南洋奶茶已經加咗糖，所以本身都係甜嘅，色澤未算金黃，飲落去都算滑，不過就冇港式奶茶咁濃厚！香料味太重，不過亦係南洋奶茶嘅特色！
今次件多士睇外表就已經知道烤得未夠火喉，顏色未係全片多士都係金黃色，所以一啲都唔脆身！
唔知係咪因為啱啱開舖嘅原因，個多士爐仲未熱，件咖央多士一D都唔錯脆，而且仲係凍冰冰嘅，但係又好明顯係有烤過嘅！正常應該多士係要香脆，而且最好要有微熱，再加埋一片厚厚嘅牛油同咖央醬，食落去應該係外脆內軟、外熱內凍的，咁就最Perfect ！味道方面，因為咖央醬嘅關係所以甜甜地帶有啲椰香嘅味道，再加埋牛油香同鹹鹹地嘅味，所以味道不錯，只係差左多士未夠脆身！
我叫咗煎蛋，仲冇2大隻！
之後再加埋特製嘅醬油，味道好濃但唔會有好鹹嘅感覺！
至於煎蛋就做得唔錯，個蛋黃表面係熟嘅，最中心嘅位置有少許溜心！我比較鍾意這種熟得來又未完全熟透嘅蛋黃！
Post
