大瀛喜日本料理 (Closed)

慶祝朋友生日，帶咗佢嚟食我至愛嘅放題店， 一直以來都光顧這家，水準有保證，不怕踩雷。食物自助吧前菜選擇多，有日式伴螺肉/沙律菜/酸薑/麻辣鴨腎…光是開胃菜已經有咁多選擇。兩大個雪櫃放滿各式各樣不同口味的飲品， 最驚喜竟然清酒可以任飲，美酒配佳餚，味道清純可口。凍海鮮雖然選擇唔多，但勝在有海水味，海蝦肉質爽彈，值得一吃。刺身與壽司是吃放題的重點環節，製作一點也不馬虎，擺盤/賣相一流，刺身富有鮮味，新鮮而且具有質感，我最怕食到梅嘅刺身。一啖一口的海膽手捲，新鮮鮮甜，值得推介。冬菇炆花膠，勁入味，花膠超厚。榴槤任食，凍的！好似食緊雪糕一樣，又香又甜。燒菠蘿都好高質，酸酸甜甜好開胃。 炸物即叫即炸熱辣辣，香脆非常。食物有好多款選擇，不能盡錄，今期有最愛嘅榴槤任吃，是季節限定，榴槤控不要錯過。