金田家 (Closed)

早前，趁信用卡積分換快到期就換了兩張戲飛，今日就去荃灣嘉禾睇戲，睇完戲就去咗荃新天地1期食嘢。客人好多，不過等咗一陣就有位。1.【巨峰酸乳梳打】、2.【薑汁柚子梳打】第1杯，有豐富提子味，甜得嚟帶少少酸，都幾開胃的。第2杯薑汁味好出，柚子味甘甘甜甜。叫咗個【筑前煮】。藕片、魔芋、冬菇、蘿蔔等煮腍咗放入雞湯內，各樣食吸收咗雞湯，所以食落入味唔會覺得寡，當中，藕片更食到爽脆感。再叫了木耳和溏心蛋。木耳夠健康，食落 sok sok聲，好正！ 溏心蛋蛋黃橙紅色，會郁㗎，食落粘口，食溏心蛋就是為了這口感。【海老鹽燒麴拉麵】係今期限定，無理由唔食。大蝦肉厚，燒完仲保留到鮮味和爽彈口感。追加咗一個替玉，係直麵嚟嘅。將佢溝埋入去碗麴麵內，做法就好似馬拉嗰啲 “參參”。呢個食法係我自創的，值得推薦俾大家。麴麵本身比較軟，外層比較滑；直麵比較硬，有嚼頭。兩款麵一齊食，你就會知道有幾好食，信我！保證你會再試。最後，再叫個鰻魚飯一齊食。鰻魚燒得有水準，肥美，啖啖肉。