Al Dente (Closed)

同舊同事黎呢間食晏，一路都對佢嘅意粉念念不忘😛首先上咗麵包，佢嘅麵包係非一般嘅麵包，有少少似蛋糕。而且佢個表皮係脆口，超好食！中間係軟熟。加埋黑醋同橄欖油食好好食，好香。然後上咗個蘑菇湯，佢係打爛咗啲蘑菇去做一個湯，所以一路飲都會食到一啲蘑菇粒。味道有少少淡。佢午餐有包一個沙律同甜品或飲品，我就揀咗Caesar salad。沙律嘅份量都幾多（唔記得影相）是日pasta of the day is vegetable pasta! 意粉嘅口感幾好，不過佢個汁就略嫌鹹得滯，我哋有食意粉嘅朋友全部都忍唔住要加水溝淡個汁。如果唔係真係太鹹食唔到好多。加咗水溝淡左之後都OK。份量都唔少我最後都係食唔晒。上甜品。唔知點解隻碟係熱嘅，但係蛋糕同雪糕都係凍嘅，搞到個雪糕非常之快就溶。不過tiramisu嘅味道都唔錯。