Monster Sushi (Closed)

其實耐唔耐就會去食Monster壽司，喜歡件件新鮮又厚厚嘅感覺，好味道，特別哥斯拉卷。但今次去朗豪坊呢間就有啲失望，係人為因素影響，食物質素仍然保持唔錯。入到去坐定就見到大隻飛餓黐著玻璃一直到我埋單仍然見佢黐著郁吓郁吓都無人清理。而order吉列蠔又無，赤貝又無，落單又落錯單，出餐又送錯枱，我哋叫咗2件三文魚壽司又遲遲唔嚟攪到要追單，埋單俾咗張信用卡成10分鐘都唔返嚟又要追，佢哋話部機有問題……總括嚟講今次食物唔錯但經歷真係好麻麻。