School Food (Closed)

其實食過 School Food 很多次，一直都覺得好好食，一段時間冇來，就食下佢啦！喺門口見到佢有新餐牌，係芝士同蛋嘅菜式，仲有一啲新甜品，最後揀咗個石窩疏乎蛋！ 石窩疏乎蛋好得意，好好味！上枱嘅時候脹卜卜，鐵匙羹一篤入去就即刻凹番入去，真係好似疏乎里！上面有芝士，入面有洋蔥，好好味！😋😋個八爪魚飯一樣咁正左面係八爪魚粒炒飯，中間係脆脆嘅墨西哥片，右面係菜沙律。撈埋一齊食，口感好正好特別！一直都好想試薯片炒飯，估唔到喺呢度都食到。八爪魚粒好多，幾乎每一啖都食到，加埋沙律就更加Fresh! 炭燒豬頸肉拉麵，好辣！ 個人唔食得太辣，所以一般啦同樣因為怕辣，之前一直唔敢試廚師卡邦尼年糕，但原來唔辣既，仲好味過普通嘅卡邦尼年糕添！