會所1號 時尚康山

Open Now

Now Closed

今日與朋友再嚟食晏，燒腩仔先嚟，令我哋眼前一亮，賣相美觀，食慾大增，以前崩爛嘅碟唔見咗，換過全新的，燒肉排得整齊，瘦多肥少，皮脆肉香，感覺廚師用心出品。值得贊賞。其他如乾炒牛河，炒得好好味，亦都唔係咁油膩，食完碟底都冇油👍，賣相美觀，廚師顯示真功夫👍，隻碟唔單止冇崩仲好靚。 侍應態度都有所改善，見客人舉高手，都冇扮作睇唔到擰轉個頭。都行埋嚟睇我哋有乜需要。今日感覺食物、賣相、服務都有所改善，希望以後都咁就好啦！即刻訂枱（取消之前訂嗰間）同家人中秋節喺度食飯，以示鼓勵。