德美壽司 (新都城中心1期) (Closed)

以前成日幫襯紅磡嗰間，一直覺得質素唔錯。反而將軍澳呢間之前只係食過一次，難得經過，等咗大概20分鐘先有位。叫咗一個我成日響紅磡嗰間點嘅「壽司定食配牛肉烏冬」同「咖喱豬扒飯」。壽司定食算保持水準，魚生都幾新鮮。咖哩飯味道不過不失，唔特別推介。反而要講下個蒸蛋，真係整得好差，太多水，完全唔成形，亦冇味道可言。整體來講，比起其以前嘅德美壽司差咗少少，有啲失望。唔同菜式嘅上菜時間都分別幾大，壽司定食就唔使5分鐘已經送到，咖喱豬扒飯就等得有啲耐，差唔多食完個壽司定食先上。