英輝咖啡屋

Open Now

Now Closed

遠征前食個早餐，學cheap兄話齋，呢頭有不少茶記，之前已試過了其他幾間，今次就輪到呢間。真係好多選擇，什麼早餐、快餐、茶餐，仲有特別餐，超過十幾款選擇。我要了份三文治餐，茄蛋雙併及奶茶，三文治幾夠份量，雞蛋是厚厚的，不過麵包就麻麻，密度好大，好明顯有一個一個窿，而且質地較重較濕。奶茶還未隔得清，竟然有一粒粒細細的茶渣，茶味唔濃，又唔夠茶香，與傳統的港式奶茶有一點距離。老公要了個早餐B，有沙爹牛麵、牛油麵包、煎蛋火腿及奶茶。兩份餐的份量都唔算大，所以再叫了一份多士，多士又烘得唔錯喎，雖然是薄薄的兩片，但好鬆脆。