美心MX (樂悠居) (Closed)

上次係度食左久違既早餐之後，今次同個朋友黎食午餐。午餐選擇比早餐多，仲不定時會轉下菜式，今次同朋友食雙餸飯，呢度雙餸飯有別街外餐廳，佢係一款菜式只可以選擇菜或者蛋，另外一個餸就可以自由係5款菜式中選擇。同朋友兩個人緊係菜同蛋都要啦。菜唔係白灼，而係上湯浸的，眼見有杞子同雲耳配埋菜芯，食落當然無白灼咁啖啦，蒸蛋滑嘟嘟。另外兩款餸就點了西蘭花雞柳同埋排骨蒸鳳爪，雞柳無雞皮唔會油，西蘭花切到細細舊食就剛剛好，套餐配埋飲品架，所以三十幾蚊真係好抵食。