Video
Read full review
2015-08-08
413 views
呢間嘢同隔離果間日本嘢應該係同一集團, 因為見住佢地一齊裝修, 一齊請人, 到而家一齊開, 由於是日唔係太餓, 所以唔食放題, 試下呢間扒~ 响門口見到價錢唔係太貴, 而又大把位, 於是入去一試~款式唔算太多, 有扒類、飯類、意粉類等等, 每種類型唔多於十款可選, 大部份都係包湯/飲品, 如果選湯就會配包, 如果又要湯又要飲品, 就好似要加十蚊, 但呢度就唔駛加一收費~ 提子餐包雖然係熱, 但叮到硬哂, 仲硬過隔夜返叮, 完全唔掂~ 餐湯 紅湯 -> 完全係被茄膏味蓋過哂, 仲要係濃縮果只, 好酸好難飲 白湯 -> 又稀又冇味, 仲衰過罐頭湯 海陸空什扒配意粉另外有一個係普通什扒, 即係茶餐廳食果D豬扒腸仔雞翼, 而呢個所謂海陸空, 即係蝦(海)豬扒(陸)雞扒(空), 再加多條法蘭西腸, 味道唔係太好, 最好食竟然係條腸, 兩個扒乸到乜味都冇, 連質感都冇哂, 完全唔知食緊乜, 意粉係扁意粉, 但煮得林咗, 唔夠彈牙, 汁又唔夠, 咋一聲落個鐵板度, 都冇乜汁可以撈意粉, 雖然可以叫佢再比汁, 但怕佢D汁唔夠熱, 所以都係算數~另外仲有舊粟米、蕃茄、小棠菜伴碟, 都叫做
款式唔算太多, 有扒類、飯類、意粉類等等, 每種類型唔多於十款可選, 大部份都係包湯/飲品, 如果選湯就會配包, 如果又要湯又要飲品, 就好似要加十蚊, 但呢度就唔駛加一收費~
提子餐包
雖然係熱, 但叮到硬哂, 仲硬過隔夜返叮, 完全唔掂~
餐包+餐湯
39 views
0 likes
0 comments
紅湯 -> 完全係被茄膏味蓋過哂, 仲要係濃縮果只, 好酸好難飲
白湯 -> 又稀又冇味, 仲衰過罐頭湯
海陸空什扒配意粉
海陸空什扒配意粉
56 views
1 likes
0 comments
另外仲有舊粟米、蕃茄、小棠菜伴碟, 都叫做有返D菜中和下, 冇咁肉~
澳洲西冷配薯菜
澳洲西冷配薯菜
56 views
1 likes
0 comments
估唔到呢間似西餐廳, 其實又係茶餐廳, 客人叫西冷, 竟然冇問要幾多成熟? 我又冇為意, 到上枱先發現呢個問題, 不過好彩佢係鐵板上, 塊肉夠哂熟, 起碼有8成, 雖然熟咗D, 但都好過血淋淋, 因為塊扒都幾厚, 差不多2cm左右~
薯角熱辣辣脆卜卜, 仲好食過塊扒~
至於伴碟都係果3樣嘢~
呢度新開冇耐, 唔知係咪d人食過唔好食? 因為每次經過, 無論係咪食飯時段, 都係唔多人的, 通常只坐滿側邊的梳化位, 中間係大把吉枱, 不過我食過呢次, 都知點解, 因為真係唔係好得, 要平要飽肚, 寧願去茶餐廳, 要食得舒服又好味, 梗係去高級少少的扒房或者西餐廳, 呢間兩頭唔到岸, 唯一好處係實有位, 又冇人吹你走~
Post
