居廬 Cafe (Closed)

由早年咖啡弄開始打入香港市場，不繼有台式cafe慢慢進駐，亦有不少本地食市開始賣窩夫、水果茶等等大受歡迎嘅產品。好評特別多嘅店舖，排隊排上兩三個鐘都係等閒事。居廬當初，亦都係大獲好評嘅店舖之一。雖然熱潮已經回落，好多店舖亦唔再需要大排長龍，但真正好食嘅野當然係會有人繼續支持。呢度嘅拉花小熊咖啡實在可愛，每次黎都忍唔住要同佢影張相。至於草莓窩夫，一直都係最喜愛食物之一。窩夫比較厚實，質感似海綿蛋糕，但外層仍整得鬆脆。配上士多啤梨雪糕，一熱一凍嘅口感實在係無比享受。