8鍋臭臭鍋 (金巴利道) (Closed)

已經好耐冇黎呢間餐廳食啦，今天突然好掛住佢既臭臭鍋味道，所以約埋友人一齊陪我食!我地大概平日7點半左右到達，仲未需要排隊，但眼見舖頭都差不多坐滿了!我地安排入座後，遲一點黎的人都要排隊啦!餐廳冷氣夠，打邊爐唔怕出哂汗!既然我係為左臭臭鍋黎，當然要食佢既招牌臭臭鍋啦，而友人就叫左藥膳羊肉鍋!我地加左$12轉滷肉飯，比起跟餐的飯大碗D!D滷肉味道很夠，而且不會太肥，食落口感豐富!招牌臭臭鍋(小辣)，個人覺得小辣已經夠辣了!湯底有淡淡的台式臭豆腐味，加埋辣一齊簡直係絕配!配料方面還有肥牛、豬大腸、米血糕、丸類等等，而且仲有粉絲，十分足料，食完一個已經好飽好飽!藥膳羊肉鍋，湯底好有藥材味，羊肉好有羶味，而湯底的味道可以蓋過羊肉的羶味，所以食落感覺不錯!最重要係佢既藥膳湯底絕不馬虎!配料亦是十分足料，冬菇、豆卜這些食材可以吸收哂湯既味道，令口感有層次!我地仲叫左兩杯飲品多多綠同水蜜桃紅茶，飲品夠凍，可以中和返兩個鍋既熱同埋辣!下次要黎食佢既麻辣鍋!